මුදල් අමාත්‍යාංශය විසින් නිකුත් කරන ලද අතිවිශේෂ ගැසට් නිවේදනයකට අනුව, ආනයනික බඩඉරිඟු කිලෝග්‍රෑමයක් සඳහා වන බද්ද රුපියල් 50 දක්වා වැඩි කර තිබේ.
මුදල් අමාත්‍යාංශය සඳහන් කරන පරිදි මෙම සංශෝධිත බදු අනුපාතය 2026 මැයි 5 වන දින සිට 2026 දෙසැම්බර් 31 වන දින දක්වා බලපැවැත්වේ. මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය විසින් 2026 මැයි 04 වන දින මෙම අදාළ ගැසට් නිවේදනය නිකුත් කර ඇත.
මෙම නව තීරණයත් සමඟ, 2025 දෙසැම්බර් 31 දින නිකුත් කළ අංක 2469/12 දරන අතිවිශේෂ ගැසට් නිවේදනය යටතේ පැවති පෙර බදු නියමය සංශෝධනය වන බව රජය වැඩිදුරටත් නිවේදනය කරයි.
(සටහන | ජේ.මුණසිංහ)
