වාහන හිමිකරුවෝ චෝදනා කරති.
මෙලෙස ආබාධයට ලක් වූ වාහන වල එන්ජින්වලින් විවිධ ශබ්ද නිකුත් වීම නිසා මෙරට ප්‍රධානපෙලේ වාහන ආනයනය සහ සේවා කටයුතු කරන මෝටර් රථ සමාගමක් වෙත අද සහ ඊයේ දිනවල වාහන ගණනාවක් අලුත් වැඩියා කටයුතු සඳහා ගෙන ඒමෙන් පසු ඒවා පරීක්ෂා කළ වාහන සමාගමේ විශේෂඥයන් ප්‍රකාශ කර ඇත්තේ හටගෙන ඇත්තේ වාහනයේ දෝෂයක් නොව බාල වර්ගයේ ඉන්ධන භාවිතා කිරීමෙන් හට ගත් ආබාධයක් බවයි.
ඊට ප්‍රතිකර්මයක් ලෙස ඔවුන් යෝජනා කර ඇත්තේ ඔක්ටේන් 92 ඉන්ධන වෙනුවට ඔක්ටේන් 95 ඉන්ධන භාවිතාකරන ලෙසයි.
අනතුරුව වාහන හිමිකරුවන් ඉන්ධන හල්වලින් මේ සම්බන්ධයෙන් විමසු පසු ඉන්ධන සපයන කොම්පකරුවන් ප්‍රකාශ කර ඇත්තේ මෑතක ගෙන එනලද ඔක්ටේන් 92 වර්ගයේ ඉන්ධන දැඩි දුගඳකින් යුක්ත බවය.
