අතර භාවිතයට එක්වී ඇත.
මිනිසාගේ මොලය හා මතකය භාවිත කර කරනු ලබන දත්ත සැකසීම සදහා පරිගණක මූලික වශයෙන් භාවිත වූ අතර AI වලදී සිදුවනුයේ මිනිසාගේ දැනුම් පදනම් කරගෙන සිතීමේ ශක්තිය හා තීරණ ගැනීමේ හැකියාව විවිධ මට්ටම් වලින් පරිගණකය හරහා ලබා දීමය. ඒ අනුව වෛද්‍යවරයකු මෙන් උපදෙස් ලබා දීම ආදී වශයෙන් විවිධ භාවිතයන් සඳහා AI භාවිත කරනු ලබයි.
මෙම AI භාවිතය විශාල ලෙස මිනිසාට හා ලෝකයට හිතකර ප්‍රයෝජන ලබා දුන්නද ඒ මගින් යම් අභියෝග ද ඇති කරනු ලබයි. ඩිජිටල් සම්පත් හිමි හා අහිමි පංති පරතරය එනම් ඩිජිටල් පංති බේදය හෝ Digital Divide වල නව ස්වරූපය වන කෘතිම බුද්ධියේ පංති බේදය ( AI Divide) මෙහිදී දියුණු වෙමින් පවතින රටවලට මෙන්ම ලොව දියුණු රටවලටද යම් අභියෝග ඇති කරනු ලබයි. එමෙන්ම මේ පිළිබද ප්‍රතිපත්ති, නියාමනයන් මෙන්ම නීතිරීති නොමැතිකම නිසා විශාල ගැටලු අනාගතයේදී ඇතිවිය හැක.
මේ නිසා AI දියුණුවේ ප්‍රතිලාභ ලෝකයේ සැමට සමාන ලෙස ගලා යාමටත්, වඩාත් ආරක්ෂිතව AI භාවිතයට ගැනීමටත්, AI භාවිතය තුල මානව හිමිකම් සුරැකීම මෙන්ම AI භාවිතය තුල මානුෂීක අධීක්ෂණය, AI පිලිබද ප්‍රතිපත්ති හා නීති රීති සැකසීම මෙන්ම ජාත්‍යන්තර සහයෝගීතාව ගොඩ නැගීම ඉලක්ක කරගැනීමට ලෝකයටම අවශ්‍යව ඇත.
2024 එක්සත් ජාතීන්ගේ සංවිධානය විසින් අනුමත ගෝලිය ඩිජිටල් සම්මුතිය (UN Global Digital Compact) තවදුරටත් ඉදිරියට ගෙන යමින් උක්ත අරමුණු සාක්ෂාත් කරගැනීමට AI Governance පිළිබදව ලෝක මට්ටමේ සංවාදයක් (UN Global Dialogue on AI Governance) පැවැත්වීමට එක්සත් ජාතීන්ගේ සංවිධානය කටයුතු යොදා ඇත.
මේ පිළිබදව ශ්‍රී ලංකික ප්‍රජාව දැනුවත් කිරීම මුල්වරට ප්‍රධාන ධාරවේ මාධ්‍යයක් තුල ශ්‍රී ලංකාවේ ප්‍රජාව දැනුවත් කිරීම TV Supreme විසින් පසුගියදා සිදුකරන්නට යෙදුනි. ඒ අනුව 2026 ජුලි මස 6-7 දිනවල ස්විට්සර්ලන්තයේ ජිනිවා හිදී පවත්වන මෙම ගෝලීය සංවාදය ගැන TV Supreme Good Morning වැඩසටහන මගින් කරුණු හෙළිදරව් කලේ ජාත්‍යන්තර වාණිජ මංඩලයේ (ICC) ශ්‍රී ලංකා ශාඛාවේ ඩිජිටල් ආර්ථික කමිටුවේ සභාපති දිලන්ත විතානගේ හා තොරතුරු තාක්ෂණවේදී අබ්දුල් කරීම් යන අය විසිනි.
ICC ගෝලීය මට්ටමෙන් මෙම සංවාදයට සහභාගීවන අතර මේ වනවිට ICC ශ්‍රී ලංකා ශාඛාව ලෙස මෙම එක්සත් ජාතීන්ගේ ගෝලීය සංවාදයට ශ්‍රී ලංකාවේ සම්බන්ධකිරීමට ක්‍රියාකරන බව පැවසූ දිලන්ත විතානගේ මෙහිදී මෙම මාතෘකාව ශ්‍රී ලංකික ප්‍රජාව දැනුවත් කරන ප්‍රධානධාරවේ මාධ්‍ය ලෙස TV Supreme කරනු ලබන පුරෝගාමී මෙහෙය අගය කරනු ලැබීය.
ඩිජිටල් ආර්ථිකය ගොඩ නැගීමේදී AI මෙන්ම සයිබර් ආරක්ෂාව අතිශය වැදගත් වන බව පෙන්වා දුන් ශ්‍රී ලංකා සයිබර් ආරක්ෂාව පිළිබද ජාතික මධ්‍යස්ථානයේ හිටපු සභාපති දිලන්ත විතානගේ මෙහිදී රාජ්‍ය හා පෞද්ගලික අංශය එක්ව එකා මෙන් ක්‍රියා කිරීම ඩිජිටල් පරිවර්තනය ට මෙන්ම ගෝලීය ආර්ථිකය සමග ක්‍රියා කිරීමේදී අත්‍යවශ්‍ය බව පැහැදිලි කරන ලදී. ශ්‍රී ජයවර්ධනපුර හා කොළඹ විශ්ව විද්‍යාලවල තොරතුරු තාක්ෂණ කථිකාචාර්ය ලෙස සේවය කල දිලන්ත විතානගේ 2000-2005 සමයේ පාසල් පද්ධතියට ICT විෂය හඳුන්වාදීමට අධ්‍යාපන හා උසස් අධ්‍යාපන අමාත්‍යාංශයේ උපදේශක ලෙස පුරෝගාමී නායකත්වය ලබා දෙන ලදී.
මේ ගෝලීය සංවාදය පිළිබද TV Supreme News යටතේ ද තොරතුරු ඉදිරිපත් කල අතර ඉදිරි මාස දෙක තුල සැම බදාදා දිනකම උදෑසනTV Supreme ඔස්සේ මෙම විෂය ගැන ජනතාව දැනුවත් කිරීමටත්, රාජ්‍ය, රාජ්‍ය නොවන, පෞද්ගලික අංශය, මාධ්‍ය හා අධ්‍යාපන අංශ දැනුවත් කිරීමටත් නියමිතය.
