සමීප අධීක්ෂණයක් සිදුකරන බවත්, ඒ පිළිබඳව විදේශීය විශේෂඥයින්ගේ සහභාගීත්වයෙන් යුත් ප්‍රමුඛ පෙළේ ජාත්‍යන්තර ආයතනයක් මගින් පුළුල් වෝහාරික විගණනයක් පැවැත්වීමට පියවර ගෙන ඇති බවත් ශ්‍රී ලංකා මහ බැංකුව ප්‍රකාශ කරයි.
මෙම විශේෂ වෝහාරික විගණනය මගින් අදාළ වංචාව සිදුවීමට සෘජුවම බලපෑ කරුණු මෙන්ම, එම කාලසීමාව තුළ බැංකුවේ අභ්‍යන්තර පාලනය, අධීක්ෂණය සහ යහපාලන නියාමන අවශ්‍යතාවලින් බැහැර වීමක් සිදුවී ඇත්දැයි යන්න පිළිබඳව සම්පූර්ණ ඇගයීමක් සිදු කිරීමට නියමිතය.
මෙම විගණනයේ ප්‍රගතිය, අන්තර්කාලීන සොයාගැනීම් සහ අවසාන වාර්තාව සෘජුවම ශ්‍රී ලංකා මහ බැංකුව වෙත ඉදිරිපත් කිරීමට නියමිත අතර, විගණන ක්‍රියාවලිය පුරා මහ බැංකුව විගණකවරුන් සමඟ සෘජුවම සම්බන්ධීකරණය පවත්වා ගනු ඇත.
මීට අමතරව, බැංකුවේ අභ්‍යන්තර පාලන සහ යහපාලන ක්‍රියාවලීන්හි පවතින අඩුපාඩු නිවැරදි කර එය ශක්තිමත් කිරීමට කඩිනම් පියවර ගන්නා ලෙස මහ බැංකුව උපදෙස් දී ඇත. බැංකුවේ ප්‍රතිපත්ති, පද්ධති සහ අභ්‍යන්තර පාලනයන්හි ඵලදායීතාවය තක්සේරු කිරීම සඳහා ස්වාධීන තෙවන පාර්ශවීය ඇගයීමක් සිදු කළ යුතු බව ද දැනුම් දී තිබේ.
නැෂනල් ඩිවෙලොප්මන්ට් බෑන්ක් පීඑල්සී ප්‍රාග්ධනය සහ ද්‍රවශීලතාවයට අදාළ සියලුම නියාමන අවශ්‍යතා අඛණ්ඩව සපුරාලන බව ශ්‍රී ලංකා මහ බැංකුව පවසයි.
මූල්‍ය පද්ධතියේ ස්ථාවරත්වය තහවුරු කිරීමට සහ තැන්පත්කරුවන්ගේ හිමිකම් සුරක්ෂිත කිරීමට අවශ්‍ය පියවර මහ බැංකුව විසින් මේ වන විට පියවර ගෙන ඇත.
මෙම සිදුවීම හේතුවෙන් නියාමනයට යටත් වෙනත් කිසිදු මූල්‍ය ආයතනයකට බලපෑමක් වී ඇති බවට සාක්ෂි නොමැති බැවින්, විවිධ පාර්ශ්වයන් පතුරුවන නොමඟ යවන සුළු ප්‍රකාශවලට හසු නොවන ලෙස ශ්‍රී ලංකා මහ බැංකුව මහජනතාවගෙන් වැඩිදුරටත් ඉල්ලා සිටියි.
(සටහන | ජේ. මුණසිංහ)
