Col des Saisies නමැති කඳු දුර්ගය අසල ගවයෝ හමේ ගැටිති මතුවන රෝගයකින් පීඩා විඳීම හේතුවෙන් සතුන් මැරී ගොස් සත්ව ගහණය අඩුවී එම පළාතට ඇතුළු වීම සීමා කර තිබූ බව තරග සංවිධායකයන් ප්‍රකාශ කළා.
මේ ගව රෝගයෙන් බලපෑමකට ලක්ව සිටින ගොවියන් මුහුණ දී සිටින පීඩාව සහ තරගය පහසුවෙන් ඉදිරියට යාම තහවුරු කිරීම හමුවේ අදාළ බලධාරීන්ගේ එකඟත්වය මත තරග මාර්ගය වෙනස් කිරීමට තීරණය වුනා.
මෙහි ප්‍රතිඵලයක් වශයෙන් සිකුරාදා පැවැති 19 වැනි තරග අදියරේ දුර ප්‍රමාණය කිලෝමීටර් 129.9 (හැතැප්ම 80.7) සිට කිලෝමීටර් 95 (හැතැප්ම 59) දක්වා අඩු කෙරුනා. මාර්ගය වෙනස් කිරීම නිසා තරග ආරම්භයට වෙනත් ස්ථානයකට යාමට තරගකරුවන්ට සිදුවූ නිසා එදින තරගය ආරම්භ වුනේ නියමිත වේලාවට පැයක ප්‍රමාදයකින් පසුව.
19 වැනි අදියර හඳුන්වනු ලැබුවේ ප්‍රංශ පාපැදි සවාරියේ එක් වඩාත්ම දුෂ්කර තරග අදියරක් ලෙස. මෙහි මුල් තරග මාර්ගයේදී තරගකරුවන්ට ඇල්ප්ස් කඳුවැටිය හරහා අතිශය වෙහෙසකර මීටර් 4,550ක් (අඩි 14,930ක් පමණ) තරණය කිරීමට සිදුව තිබුනා.
ප්‍රංශ සවාරියේ 19 වැනි අදියරේ ජයග්‍රාහකයා වූයේ නෙදර්ලන්තයේ Thymen Arensman.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
