ලීගය වන ජාතික බාස්කට්බෝල් සංගමයේ (NBA) මයාමි හීට් (Miami Heat) කණ්ඩායමේ හිටපු ආරක්ෂක නිලධාරියෙකු චෝදනා ලැබ සිටිනවා.
මාකොස් තොමාස් පෙරෙස් (Marcos Thomas Perez) නමැති මේ ආරක්ෂක නිලධාරියා 2016 සිට 2021 දක්වා වසර පහක කාලයක් මයාමි හීට් කණ්ඩායම සමග කටයුතු කිරීමෙන් පසුව වසර 2022 සිට 2025 දක්වා NBA ලීගයේ රැකියාව කර තිබෙනවා.
මයාමි හීට් සමග ගතකළ කාලය අතරතුර පෙරෙස්, තරග පැවැත්වෙන දිනවලදී එම කණ්ඩායමේ නිවහන වන දැන් Kaseya Center ලෙස නම් කර තිබෙන මධ්‍යස්ථානයේ ආරක්ෂක නිලධාරී කණ්ඩායමේ කෙනෙකුව සිටි බව පැවසෙනවා.
පෙරෙස් කිහිප වතාවක්ම වටිනා සිහිවටන තබා තිබෙන ආරක්ෂිත උපකරණ සහිත කාමරයකට පිවිස අනාගත මයාමි හීට් කෞතුකාගාරයක් සඳහා වෙන්කර තිබූ, තරගවලට අඳින ලද කමිස 400කට වැඩි ප්‍රමාණයක් හා වෙනත් අයිතම සොරකම් කර පසුව ඒවා මාර්ගගත (ඔන්ලයින්) තැරැව්කරුවන්ට අලෙවි කර ඇති බවට හෙළිවී තිබෙනවා.
මේ 62 හැවිරිදි පුද්ගලයා ඩොලර් මිලියන දෙකකට ආසන්න වටිනාකමක් ඇති සොරාගත් අයිතම 100කට වැඩි ප්‍රමාණයක් සාධාරණ වෙළඳපොලේ වටිනාකමට වඩා අඩුවෙන් අලෙවි කර ඒවා අමෙරිකානු ප්‍රාන්ත හරහා නැව් මගින් යවා ඇතැයි පැමිණිල්ල කියා සිටිනවා.
LeBron James නමැති සුප්‍රකට අමෙරිකානු බාස්කට්බෝල් තරුව පැළඳ සිටි NBA අවසාන තරගයක කමිසය පෙරෙස් ඩොලර් 100,000කට විකුණා තිබෙන අතර පසුව එය Sotheby වෙන්දේසියේ ඩොලර් මිලියන 3.7ක මුදලකට අලෙවි වූ බව බලධාරීන් ප්‍රකාශ කරනවා.
පසුගිය අප්‍රේල් මාසයේදී බලධාරීන් සෝදිසි වරෙන්තුවක් මගින් පෙරෙස්ගේ නිවස පරීක්ෂා කළ අවස්ථාවේ තරගවලට පළඳින ලද කමිස 300ක් සහ තරග සිහිවටන සොයා ගත්තා.
වසර 25ක සේවා කාලයකින් පසුව විශ්‍රාම ගිය මයාමි නගරයේ පොලිස් නිලධාරියෙකු වන පෙරෙස්, සොරාගත් භාණ්ඩ අන්තර් ප්‍රාන්ත වෙළඳාමේ ප්‍රවාහනය කිරීම හා වෙනත් තැනකට මාරු කිරීමේ චෝදනා යටතේ පසුගියදා පළමු වරට උසාවියේ පෙනී සිටියා.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
