පසු පෙල වමේ සිට - දිල්කි නෙත්සරා, හිමායා පාරින්දි, ඉෂංකා බාලසූරිය මහත්මිය (අභ්‍යාසක), අමිල විජේපාල මහතා (ප්‍රධාන පුහුණුකරු), ඩබ්ලිව්.පී.අයි.සමරකෝන් මහත්මිය (කළමනාකාරිනී), හෂාන් දමිත් මහතා (සහාය පුහුණුකරු), ලහිරු දිල්ෂාන් (කණ්ඩායමේ විනිසුරු), සෙසාන්දි රුවන්යා, වත්ෂිකා දිල්ෂානි
මධ්‍යම ආසියානු වොලිබෝල් සංගමයේ - Central Asian Volleyball Association (CAVA) - අවුරුදු 20න් පහළ කාන්තා තරගාවලියට සහභාගි වීම පිණිස මාල දිවයිනට ගොස් සිටින ශ්‍රී ලංකා කණ්ඩායම අද (18) රාත්‍රියේ නේපාලය සමග තරග වදිමින් කුසලානය දිනා ගැනීමේ මෙහෙයුම ආරම්භ කරනවා.
අද සිට ලබන 23 දක්වා පැවැත්වෙන මේ තරගාවලියට ශ්‍රී ලංකාව, මාල දිවයින්, නේපාලය හා කිරිගිස්තානය යන රටවල් සහභාගි වනවා.
අද සිට ලබන 23 දක්වා පැවැත්වෙන මේ තරගාවලියට ශ්‍රී ලංකාව, මාල දිවයින්, නේපාලය හා කිරිගිස්තානය යන රටවල් සහභාගි වනවා.
ශ්‍රී ලංකාවේ දෙවැනි තරගය පැවැත්වෙන්නේ මාල දිවයින් කණ්ඩායමට එරෙහිව. එය හෙට (19) පැවැත්වෙන අතර මූලික වටයේ ශ්‍රී ලංකාවේ අවසන් තරගය කිරිගිස්තානය ට එරෙහිව පැවැත්වෙන්නේ 20 වැනිදා.
තරගාවලියේ අවසන් පූර්ව තරග ජූලි 22 වැනිදා පැවැත්වෙන අතර ලෝකඩ පදක්කම සඳහා තෙවැනි ස්ථානයේ තරගය සහ රන් හා රිදී පදක්කම් සඳහා අවසාන මහා තරගය පැවැත්වීමට නියමිතව තිබෙන්නේ ජූලි 23 වැනිදා.
මේ තරගාවලියට සහභාගි වන ශ්‍රී ලංකා ජාතික කණිෂ්ඨ කණ්ඩායමේ නායකත්වය දරන්නේ චතුරි පූර්ණිමා. කණ්ඩායමේ ප්‍රධාන පුහුණුකරු ලෙස කටයුතු කරන්නේ අමිල එරංග විජේපාල.
සටහන :(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com