ඒ අනුව ඊට අදාළ ගිවිසුම අත්සන් කිරීම ශ්‍රී ලංකා ආයෝජන මණ්ඩලයේ සභාපති අර්ජුන හේරත් සහ බ්ලූ ඕෂන් සමූහයේ සභාපති සහ ප්‍රධාන විධායක නිලධාරීන් එස්.තුමිලන් අතර සිදුවිය.
කොළඹ නගරයේ වඩාත් කීර්තිමත් ස්ථානයන්හි පිහිටි සුඛෝපභෝගී නේවාසික සංවර්ධන ව්‍යාපෘති තුනක් සඳහා ආයෝජන මණ්ඩලයේ (BOI) අනුමැතිය මෙසේ ලබා ගැනීමෙන් පසු Blue Ocean සමාගම් සමූහය ආයෝජක විශ්වාසය සහ නියාමන විශ්වසනීයත්වය වඩාත් ශක්තිමත් වූ බව එස්.තුමිලන් කීය.
මෙම ව්‍යාපෘති සඳහා ඒකාබද්ධ ආයෝජනය ඇමරිකානු ඩොලර් මිලියන 16 ඉක්මවන අතර, සමූහයේ ශක්තිමත් මූල්‍ය තත්ත්වය, පාලන ප්‍රමිතීන් සහ ශ්‍රී ලංකාවේ දේපළ වෙළඳාම් අංශය සඳහා දිගුකාලීන කැපවීම අවධාරණය කරයි.
BOI අනුමත සංවර්ධන ව්‍යාපෘති අංක 34/2, ද සේරම් පාර, ගල්කිස්ස; අංක 15A, ලේයර්ඩ්ස් පාර, කොළඹ 04; සහ අංක 01, හැව්ලොක් පෙදෙස, කොළඹ 05 යන ස්ථානවල පිහිටා ඇත.
මෙම අනුමත කිරීම් Blue Ocean සමූහය ජාත්‍යන්තර සංවර්ධන ප්‍රමිතීන්, මූල්‍ය විනිවිදභාවය සහ තිරසාර වටිනාකම් නිර්මාණය සමඟ අනුකූල වීම පිළිබඳ ආයතනික විශ්වාසය පිළිබිඹු කරයි.
(සටහන | ජේ.මුණසිංහ)
