2024 අප්‍රේල් 22 දින රු. 302.00 ක් ලෙසින් වාර්තා වූ එක්සත් ජනපද ඩොලරයක මිල අප්‍රේල් 24 දින වන විට රු. 301.46 ක් දක්වා සුළු වශයෙන් පහළ ගිය අතර ඊයේ (25) දිනයේ දී එය රු. 298.71 ක් දක්වා කැපීපෙනෙන ලෙස පහළ යන ලදී.
මේ අතර අද (26) දිනයේ දී ඩොලරයක මිල රු. 297.16 ක් දක්වා තවදුරටත් පහළ ගොස් ඇති බව ශ්‍රී ලංකා මහ බැංකුව සිය දෛනික විනිමය අනුපාතික සටහන නිකුත් කරමින් සඳහන් කරයි.
මහ බැංකු දෛනික විනිමය අනුපාතික සටහනට අනුව අද (26) දිනයේ දී ඩොලරයක ගැනුම් මිල රු. 291.87 ක් හා විකුණුම් මිල රු. 301.29 ක් ලෙසින් වාර්තා වී තිබේ.
(biz.adaderana.lk)
