ඇඟලුම් කර්මාන්තයට අදාළව රුපියල්වලින් සිදුකරන වියදම් සඳහා විශාල බලපෑමක් ඇති වීම මීට හේතුව බව ඔහු කීවේය.
ඇඟලුම් කර්මාන්තය තුළ විදුලි බිල, ජල බිල ආදිය සඳහා පිරිවැය අධික වීම ගැටලුවක් වී ඇති බව ත් ඒ සඳහා ගෙවීම් රුපියල්වලින් කිරීමට සිදුවන බව ත් ඔහු කීය.
එසේ ම, පසුගිය කාලයේ ජීවන වියදම වැඩි වීම නිසා ඇඟලුම් කර්මාන්තයේ සේවකයන්ගේ වැටුප් වැඩි කළ බවත් ඩොලරයට සාපේක්ෂව රුපියල ශක්තිමත් වීම නිසා එම ගෙවීම් සඳහාත් වියදම් වැඩි වී ඇති බව ෆීලික්ස් ප්‍රනාන්දු පැවසීය.
මහ බැංකුව මැදිහත් වී ඩොලරය පහත වැටීම පාලනය කර ගැනීමට කටයුතු කරන්නේ නම් වැදගත් වනු ඇති බව ඔහු කීය.
ඒ අනුව, එක්සත් ජනපද ඩොලරය රුපියල් 310ත් 315ත් අතර ඉදිරියේදී පවත්වා ගැනීමට හැකි නම් ස්ථාවරත්වයක් ලැබෙනු ඇති බව ඔහු පැවසීය.
එවැනි මැදිහත්වීමක් මඟින් ඇඟලුම් කර්මාන්තය පමණක් නොව සමස්ත අපනයන ක්ෂේත්‍රයටම කිසියම් අස්වැසිල්ලක් වනු ඇති බවත් ඔහු වැඩිදුරට ත් පවසා සිටියේය.
| Mawbima