ඉක්මනින්ම ක්‍රියාත්මක කරන්නැයි සමස්ත ලංකා කුකුළු ව්‍යාපාරිකයින්ගේ සංගමයේ සභාපති මාතලී ජයසේකර රජයෙන් ඉල්ලීමක් කරයි.
කෘෂිකර්ම, පශු සම්පත්, ඉඩම් සහ වාරිමාර්ග ඇමැති කේ.ඩී.ලාල් කාන්ත ගේ ප්‍රධානත්වයෙන් ඉකුත්දා එම අමාත්‍යංශයේ උපදේශක කාරක සභාව පාර්ලිමේන්තුවේදී රැස්වී සිදුකළ සාකච්ඡාවේදී පිටරටින් බඩ ඉරිගු ගෙන්වීම සම්බන්ධයෙන් තීරණයක් ගෙන තිබේ.
සත්ත්ව ආහාර නිෂ්පාදනය සඳහා වසර 2024 සිට 2025 ජනවාරි 31 වෙනිදා දක්වා බඩ ඉරිගු මෙට්ට්‍රික් ටොන් 275000කට ආසන්න ප්‍රමාණයක් ආනයනය කර ඇති බව එම සාකච්ඡාවේදී නිලධාරිහු අවධාරණය කර ඇත.
මෙරට වාර්ෂික බඩ ඉරිගු අවශ්‍යතාවය මෙට්ට්‍රික් ටොන් ලක්ෂ හයක් බවත් එම ප්‍රමාණය රටින් සපයා ගැනීමට නොහැකි බවත් මෙහිදී අනාවරණය වී ඇත.
මේ වන විට රට තුළ නිපදවන බඩ ඉරිගු ඇතැම් ජාවාරම් කරුවන් විසින් කිලෝවක් රුපියල් 130ත් 140ත් වැනි මිලකට මිලදි ගෙන තොග රැස් කර ගෙන සිංහල හින්දු අලුත් අවුරුදු සමයේ කිලෝවක් රුපියල් 200ක් වැනි මිලිකට අලෙවි කිරීමට උත්සහයක් පවතින බවත් එය බිත්තර සහ කුකුල් මස්වල උත්සව සමයේ ඉහළ යාමට විශාල වශයෙන් බලපෑමක් ඇති කරනු ඇති බවත් සත්ත්ව ආහාර නිෂ්පාදකයෝ සඳහන් කරති.
මෙම ජාවාරම්කරුවන් සිදුකරගෙන යන එම ක්‍රියාවලිය වැළැක්වීම සඳහා බඩ ඉරිගු ආනයනය කිරිම තුළින් මිල පාලනයක් ඇතිවන බවත් එම නිසා ඇමැතිවරයා ගත් තීරණය ඉතාම යහපත් බවත් මාතලී ජයසේකර ප්‍රකාශ කළේය.
(සටහන | ජේ.මුණසිංහ)