පරිසර පද්ධතියට හානි සිදු නොකොට කර්මාන්ත කරණයක නියැලීම තුළින් අපේ රටේ නිෂ්පාදනය කරන භාණ්ඩ සඳහා ඉහළ ධනවතුන් ගෙන් පිරි ලෝක වෙළෙඳ පොළේ විශාල වෙළෙඳ පොළක් දිනා ගැනීමට හැකි බව මයික්‍රෝ ඉලෙක්ට්‍රික් ඉන්ටර්නැෂනල් පුද්ගලික සමාගමේ සභාපති ධම්මික සමරවික්‍රම ප්‍රකාශ කළේය.
මේ වසරේ ජනාධිපති පරිසර සම්මාන උළෙලේදී ලෝහමය ෆෙරස් නොවන / යන්ත්‍රෝපකරණ / ඉලෙක්ට්‍රොනික / විදුලි භාණ්ඩ හා උපකරණ ආශ්‍රිත කර්මාන්තකරණය සඳහා වූ “ ඒ“ සහ “බී“ කාණ්ඩයේ ලෝකඩ සම්මානය තම ආයතනයට දිනා ගැනීමට හැකිවූ බවත් පැවසූ සභාපතිවරයා මෙම ජයග්‍රහණය වසර තිහක් සපිරෙන තම ආයතනයට විශාල අගය කිරීමක් වනු ඇති බවත් සමරවික්‍රම කීය.
පරිසර පද්ධතියේ තිරසර භාවය වෙනුවෙන් දැක්වූ විශිෂ්ඨ දායකත්වය සහ කර්මාන්තකරණය තුළින් රටේ ආර්ථිකයට දක්වන ඉහළ නැමියාව මෙම සම්මානය තුළින් අගය කළ බවද ඔහු කීය.
පරිසර සම්මානය සහ සහතිකය සමග සභාපති ධම්මික සමරවික්‍රම, අධ්‍යක්ෂ මණ්ඩල සාමාජික ෂෙහාන් සමරවික්‍රම, සෙනාල් සමරවික්‍රම ඡායාරූපයේ වෙති.
මේ ආකාරයට අපේ රටේ නිෂ්පාදන වඩාත් පරිසර හිතකාමී ලෙස සිදු කොට ලෝකයේ ඉහළ වටිනාකම් ගෙවන වෙළෙඳ පොළවල් වෙත අපනයනය කිරීමට සියලු ශ්‍රී ලාංකික ව්‍යවසායකයින් හා කර්මාන්තකරුවන් කටයුතු කළ යුතු බවත් ඔහු සිහිපත් කළේය.
මයික්‍රෝ ඉලෙක්ට්‍රික් ඉන්ටර්නැෂනල් පුද්ගලික සමාගමේ උප සභාපතිනී කුමාරි සමරවික්‍රම, අධ්‍යක්ෂ මණ්ඩල සාමාජිකයින් වන ෂෙහාන් සමරවික්‍රම, සෙනිත් සමරවික්‍රම, සෙනාල් සමරවික්‍රම ඇතුලු තම කාර්ය මණ්ඩලය මෙම සම්මානය දිනා ගැනීම සඳහා මහත් උනන්දුවෙන් සහ කැපවීමෙන් කටයුතු කළ ආකාරය ගැන ස්තුති කරන බවද සභාපතිවරයා කීය.
(සටහන |ජේ.මුණසිංහ)
