රන් අවුන්සයක මිල ඉතිහාසයේ ප්‍රථම වතාවට ඇමරිකානු එක්සත් ජනපද ඩොලර් 5500 සීමාව ඉක්මවා ගොස් ඇති බව විදෙස් වාර්තා සඳහන් කරයි. ඒ අනුව රන් අවුන්සයක් ඇමරිකා එක්සත් ජනපද ඩොලර් 5579ක් දක්වා ඉහළ ගොස් තිබේ.
ඇතැම් අවස්ථාවලදී එම මිල ඇමරිකා එක්සත් ජනපද ඩොලර් 5600ක් දක්වාද ඉහළ ගොස් තිබූ බව විදෙස් වාර්තා පෙන්වා දෙයි.
ලෝක වෙළෙඳපොළේ රත්‍රං මිලෙහි වැඩිවීමට සාපේක්ෂව මෙරට රත්‍රං මිල ද ඉහළ ගොස් තිබේ.
ඒ අනුව, කොළඹ හෙට්ටිවීදිය රන් වෙළෙඳපොළෙ අද (29) නිකුත් කළ නවතම දත්ත අනුව රත්‍රං මිලේ සමස්ථ වැඩිවීම රුපියල් 15,000ක් බව සඳහන්ය.
ඒ අනුව "කැරට් 22" රන් පවුමක් මිල රු. 405,000 ක් ලෙස දැක්වුණි.
(සටහන | ජේ.මුණසිංහ)
