දහස් ගණනක් සිසුන් සහභාගී වන ටියුෂන් පන්ති තුළ ගුරුවරයාගේ අවධානය පෞද්ගලිකව ලබා ගැනීමට නොහැකි වීම නිසා Gen Z පරම්පරාවේ දරුවන් මුහුණ දෙන ප්‍රධානතම ගැටලුවට මෙම ඇප් එක හරහා සාර්ථක විසඳුම් ලබා දී තිබෙන බව නිර්මාතෘවරුන්ගේ අදහසයි.
ප්‍රවීණ මාධ්‍යවේදී නාරද බක්මීවැව සමඟ පැවති විශේෂ සාකච්ඡාවකදී, ප්‍රවීණ භෞතික විද්‍යා දේශක සංජීව ධර්මවර්ධන සහ BetaGen ආයතනයේ ප්‍රධාන තාක්ෂණික නිලධාරී ආචාර්ය චමත් පලිහවඩන මෙම නව ඇප් එකෙහි ඇති විශේෂාංග පිළිබඳව තොරතුරු අනාවරණය කර තිබුණා.
ප්‍රවීණ මාධ්‍යවේදී නාරද බක්මීවැව සමඟ පැවති විශේෂ සාකච්ඡාවකදී, ප්‍රවීණ භෞතික විද්‍යා දේශක සංජීව ධර්මවර්ධන සහ BetaGen ආයතනයේ ප්‍රධාන තාක්ෂණික නිලධාරී ආචාර්ය චමත් පලිහවඩන මෙම නව ඇප් එකෙහි ඇති විශේෂාංග පිළිබඳව තොරතුරු අනාවරණය කර තිබුණා.
ඔබේ පෞද්ගලික AI ගුරුවරයා - "Study Buddy"
මෙම ඇප් එකෙහි ඇති සුවිශේෂීම අංගය වන්නේ "SD AI" නම් වූ කෘත්‍රිම බුද්ධි සහායකයායි. සාමාන්‍ය ChatGPT වැනි පද්ධතියකට වඩා මේ "SD AI" නම් වූ කෘත්‍රිම බුද්ධි සහායකයා හාත්පසින්ම වෙනස් වන්නේ, අදාළ ගුරුවරයා සතු වසර 20කට අධික දැනුම සහ ඉගැන්වීම් රටාව (Knowledge Base) පදනම් කරගෙන මෙය නිර්මාණය කර ඇති නිසයි. සිසුන්ට තමන් ඉගෙන ගන්නා ගුරුවරයාගේම හඬින් ප්‍රශ්නවලට පිළිතුරු ලබා ගැනීමටත්, පාඩම් සාරාංශ කර ගැනීමටත් මෙම ඇප් එක හරහා අවස්ථාව සලසා දී තිබෙනවා.
ජංගම දුරකථනය ඉගෙනීමට උදව්වක් කරගන්නා හැටි
බොහෝ දෙනෙකු ජංගම දුරකථනය අධ්‍යාපනයට බාධාවක් ලෙස සැලකුවද, මෙම ඇප් එක මගින් දරුවාව නැවතත් පොත පතට සහ පාඩම් වැඩට යොමු කරවයි. දිනකට නිදාගත යුතු කාලය, පාසල් යා යුතු කාලය සහ පාඩම් කළ යුතු කාලය මෙම ඇප් එක මගින් සැලසුම් කර දෙන අතර, දරුවා පාඩම් කරන කාලය තුළ දුරකථනය අනවශ්‍ය ලෙස භාවිත කිරීම පාලනය කිරීමට අවශ්‍ය මගපෙන්වීමද (Push Notifications) මෙමගින් ලබා දෙනවා.
මව්පියන්ට දෙන සජීවී වාර්තාව
දරුවා දිනකට කොපමණ වේලාවක් පාඩම් කළාද, පසුගිය සතියේ ප්‍රගතිය කෙසේද සහ ඔවුන් වඩාත් දුර්වල විෂය කොටස් මොනවාද යන්න පිළිබඳව සජීවී දත්ත වාර්තාවක් (Real-time Report) මව්පියන්ට මෙන්ම ගුරුවරයාටද තම දුරකථනය හරහාම බලා ගැනීමට මෙහිදී අවස්ථාව හිමි වෙනවා. මෙය දරුවා සහ මව්පියන් අතර පවතින අනවශ්‍ය මතභේද දුරු කර, විශ්වාසවන්ත ඉගෙනුම් පරිසරයක් ගොඩනැගීමට උදව් වන බවයි සංජීව ධර්මවර්ධන පෙන්වා දෙන්නේ.
ගුරුවරයාගේ දැනුම සදාකාලික කරන තාක්ෂණය
ආචාර්ය චමත් පලිහවඩන සඳහන් කරන අන්දමට, ගුරුවරයෙකු නොමැති අවස්ථාවක පවා ගුරුවරයාගේ දැනුම සහ ඉගැන්වීම් ශිල්පීය ක්‍රම මතු පරපුර වෙනුවෙන් සදාකාලිකව පවත්වා ගැනීමටත්, ඕනෑම සිසුවෙකුට ඕනෑම වෙලාවක ගුරුවරයාගේ ඇසුර ලබා ගැනීමටත් මෙම ඇප් එක මඟ පාදනවා. මෙම අතිනවීන තාක්ෂණික පද්ධතිය ශ්‍රී ලංකාවේ අනෙකුත් විෂය දේශකයන්ට සහ අධ්‍යාපන ආයතනවලටද තම සිසුන් වෙනුවෙන් ලබා දීමට මේ වන විට BetaGen ආයතනය කටයුතු සූදානම් කර තිබෙන බවත් නිර්මාතෘ කණ්ඩායම ප්‍රකාශ කලේය.
Download now:
