සංක්රාන්ති ලිංගික මලල ක්රීඩිකාවන් ජවන හා පිටිය ඉසව්වල තරග කිරීම තහනම් කිරීමේ ප්රතිපත්තියේ කිසිම වෙනසක් නැතැයි ලෝක මලල ක්රීඩා
සම්මේලනයේ සභාපති සෙබෑස්ටියන් කෝ (Sebastian Coe) අවධාරණය කරනවා.
‘පිරිමි වැඩිවියට පත්වීම’ ලෙසින් හඳුන්වනු ලබන තත්ත්වයට භාජනය වූ මලල ක්රීඩිකාවන්ට කාන්තා ලෝක ශ්රේණිගත කිරීමේ තරගවලට සහභාගි වීම ලෝක මලල ක්රීඩා සම්මේලනය විසින් තහනම් කර තවමත් වසරක් සම්පූර්ණ වී නැහැ.
කාන්තා ජවන හා පිටිය තරගවලට සහභාගි වීමේ තහනම බලපාන්නේ සංක්රාන්ති ලිංගික කාන්තාවන්ට බව සම්මේලනය පවසනවා.
“මේ තීරණය එදාත් නිවැරදියි අදත් නිවැරදියි” සෙබෑස්ටියන් කෝ ප්රකාශ කර තිබෙන්නේ ස්කොට්ලන්තයේ පැවති ලෝක ගෘහස්ථ මලල ක්රීඩා ශූරතාවලියේ දී.
“මේ රෙගුලාසි පනවා තිබෙන්නේ දිගටම පවතින්නයි. ඒවා ආරක්ෂා කරන්න අපට සිදුවුනොත් අපි ඒවා ආරක්ෂා කරනවා. අපි ඒ නීති ආරක්ෂා කරන්නේ කාන්තා අංශය සුරක්ෂිත කිරීම ඉතාමත් වැදගත් යන පදනම මත සිටිමින්.”
මේ නීතිය පසුගිය වසරේ මාර්තු මාසයේ නිවේදනය කළ අවස්ථාවේදී සෙබෑස්ටියන් කෝ පැවසුවේ, එම තීරණයට එළඹුනේ ලෝක මලල ක්රීඩා සාමාජික සම්මේලන, ගෝලීය මලල ක්රීඩා පුහුණුකරුවන්ගේ ඇකඩමිය හා ජාත්යන්තර ඔලිම්පික් කමිටුව නියෝජනය කළ කණ්ඩායම් මෙන්ම සංක්රාන්ති ලිංගික සහ මානව අයිතීන් ආයතන නියෝජිතයන් ද සමග මනාව සාකච්ඡා කිරීමෙන් පසුව බව.
කෙසේ වෙතත්, මානව අයිතීන් වෙනුවෙන් ක්රියා කරන සමහර LGBTQ හිතවාදී කණ්ඩායම් මේ තීරණය විවේචනය කළේ එය අසාධාරණ වෙනස්කම් කිරීමක් බව පවසමින්.
සංක්රාන්ති ලිංගික කාන්තාවන් ක්රීඩා ක්ෂේත්රයේ කාන්තා අංශයේ තරග කිරීමට සීමා පැනවූ ක්රීඩා පාලක මණ්ඩල අඩංගු ලැයිස්තුව මෑත කාලය තුළ ඉහළ ගොස් තිබෙනවා.
පිහිනුම් ක්රීඩාව පාලනය කරන ලෝක ජලක්රීඩා සංගමය ද මීට ඇතුළත් වන අතර සංක්රාන්ති ලිංගික කාන්තාවන්ට කාන්තා අංශයේ තරග කළ හැකිවන්නේ ඔවුන් වයස අවුරුදු 12 ට පිවිසීමට පෙර සංක්රාන්තිය සිදුවූවා නම් හෝ ‘පිරිමි වැඩිවියට පත්වීමේ’ අදියර පහකින් සමන්විත ක්රියාවලියේ දෙවැනි අදියර ඉක්මවූයේ නැත්නම් පමණක් බවට ඔවුන් ප්රකාශ කර තිබෙනවා.
වයස අවුරුදු නවයේ සිට ම ආරම්භ වී වසර ගණනාවක් ගතවන ‘පිරිමි මල්වරවීම’ යන ක්රියාවලිය සම්බන්ධයෙන් ලෝක මලල ක්රීඩා සම්මේලනය ඔවුන්ගේ නියමාකාර අර්ථකථනයක් මෙතෙක් පැහැදිළිව ප්රකාශ කර නැහැ.
සටහන :
(වර්නන් ගුණසේකර)
ජ්යෙෂ්ඨ මාධ්යවේදී