ඉදිරිපත් කළ පෙත්සමක් සලකා බැලීමෙන් අනතුරුව අභියාචනාධිකරණයේ සභාපති විනිසුරු රොහාන්ත අබේසූරිය සහ ප්‍රියන්ත ප්‍රනාන්දු යන අයගෙන් සමන්විත විනිසුරු මඩුල්ල විසින් මෙම නියෝගය නිකුත් කර ඇත.
පෙත්සම්කරු වෙනුවෙන් පෙනී සිටි ජනාධිපති නීතිඥ සාලිය පිරිස්, අධිකරණය හමුවේ කරුණු දක්වමින්, සිය සේවාදායකයා අත්අඩංගුවට ගැනීමට කිසිදු සාක්ෂියක් ඉදිරිපත් වී නොමැති විටක, විමර්ශන වලට සහාය නොදක්වන්නේයැයි අසත්‍ය චෝදනාවක් ගොනු කරමින්, තුසිත හල්ලොලුව ගමන් ගත් වාහනයට වෙඩි තැබීමේ සිද්ධියට අදාලව, ද්වේෂ සහගතව තම සේවාදායකයා අත් අඩංගුවට ගැනීමේ උත්සාහයක් පවතින බව සඳහන් කර තිබේ.
නීතිඥ දිනේෂ් දොඩන්ගොඩ විසින් සිදුකර තිබෙන්නේ තුසිත හල්ලොලුව නමැත්තාට නීතිඥවරයෙකු වශයෙන් වෘත්තීය සේවාව සැපයීම පමණක් බවත්, ඔහු කිසිදු අපරාධ ක්‍රියාවකට සම්බන්ධ නොමැති බවත් ජනාධිපති නීතීඥ සාලිය පිරිස් පෙත්සම්කරු වෙනුවෙන් කරුණු කාරණා සහිතව අධිකරණය හමුවේ පෙන්වා දී ඇත.
ශ්‍රී ලංකා නීතීඥ සංගමය වෙනුවෙන් එහි සභාපති නීතීඥ රජීව් අමරසූරිය නීතීඥ සංගමය වෙනුවෙන් අභියාචනාධිකරණයට කරුණු ඉදිරිපත් කර ඇති අතර, නීතීඥ සංගමයේ ලේකම් නීතීඥ චතුර ගල්හේන ද නීතීඥ සංගමය වෙනුවෙන් අධිකරණය හමුවේ පෙනී සිටියේය.
ඒ අනුව ඉදිරිපත් වූ කරුණු සලකා බැලූ අභියාචනාධිකරණ විනිසුරු මඩුල්ල පෙත්සම්කරු අත්අඩංගුවට ගැනීම, පෙත්සමකරුට එරෙහි විමර්ශනය සහ මහේස්ත්‍රාත් අධිකරණ ක්‍රියාවලිය සහ පෙත්සම්කරු සැකකරුවෙකු ලෙස නම් කිරීම වළක්වමින්, මෙම අතුරු තහනම් නියෝගය දින 14ක කාලයකට බල පැවැත්වෙන පරිදි නිකුත් කර තිබේ.
