බැවින් එය ආණ්ඩුක්‍රම ව්‍යවස්ථාවේ 157 වන ව්‍යවස්ථාවේ සඳහන් ආකාරයට පාර්ලිමේන්තුවේ නොපැමිණි මන්ත්‍රීවරුන් ද ඇතුළුව 2/3 ජන්දයෙන් සම්මත වූ පනතක් ලෙස නොසැලකිය හැකි බවත්, එබැවින් කොළඹ වරාය නගරය සම්බන්ධයෙන් සිදු කළ යුතු වෙනස්කම් සිදු කිරීමට ආණ්ඩුක්‍රම ව්‍යවස්ථාවෙන් කිසිදු නෛතික බාධාවක් නොමැති බව හිටපු අධිකරණ අමාත්‍යවරයකු වන නීතිඥ විජේදාජ රාජපක්ෂ සඳහන් කරයි.
ඔහු මේ බව සඳහන් කරන්නේ උක්ත කරුණ සම්බන්ධයෙන් ජනාධිපති අනුර කුමාර දිසානායක වෙත ලිපියක් ඉදිරිපත් කරමිනි.
ඔහු එම ලිපියේ සඳහන් කරන අන්දමට කොළඹ වරාය නගර ආර්ථික ව්‍යාපෘතිය රජය සහ ආයෝජන සමාගම සමඟ ගිවිසුමක් මඟින් සිදු කිරීමට ද හැකියාව තිබූ නමුත් ඔවුන් පාර්ලිමේන්තු පනතක් මගින් එය සිදු කිරීමට පාලකයන් සූක්ෂම ලෙස පොලබවන ලද්දේ පාර්ලිමේන්තුවේ 2/3 බලයෙන් සම්මත කළ හොත් එම නීති ශ්‍රී ලංකාවට අවශ්‍ය අවස්ථාවකදී වුව ද වෙනස් කිරීමට නොහැකි බවට පවතින බාධා නිසා ඔවුන්ට වඩාත් වාසි සහගත තත්ත්වයක් ලබා ගැනීමේ යටි අරමුණෙනි.
නමුත් එදා විජයදාස රාජපක්ෂ එයට පක්ෂව ජන්දය නොදීම නිසා ජන්ද 150 ක් ලබා ගැනීමට නොහැකි වී ඇත.
එවකට සිටි පාලකයන්ට මෙම තත්ත්වය කොතෙක් පැහැදිලි කළ ද ඔවුන් තුළ තිබූ උද්ධච්චභාවය නිසාත්, රට ගැන හැඟීමක් නොතිබූ නිසාත් විදේශ බලවේගයක අතකොලුවක් බවට පත් වී එම අනර්ථය සිදු කර ඇති බවත් එම ඓතිහාසික වැරුද්ද නිවැරුදි කිරීම සඳහා වර්තමාන ජනාධිපති අනුර කුමාර දිසානායකට කාලය කාලය ඒළඹ ඇති බවත් ඒම ලිපියේ සඳහන් වේ.
මතු පළ වන්නේ නීතිඥ විජේදාජ රාජපක්ෂ විසින් ජනාධිපතිවරයා වෙත ඉදිරිපත් කරන ලද සම්පූර්ණ ලිපිය යි.
