යුධ හමුදා ස්වේච්ඡා බලසේනාවේ නියෝජ්‍ය සේනාවිධායක තනතුර පුරප්පාඩු වී මසකට වැඩියි !

 පුරප්පාඩු වී මසකට වඩා කාලයක් ගතවී ඇතත් අදාල තනතුරේ වැඩ ආවරනය කිරීම සදහා හෝ නිලධාරියෙකු ඒ සදහා මෙතෙක් පත් කර නොමැත.

එම  තනතුරරෙහි රාජකාරී කල මේජර් ජෙනරාල් ජනිත් බණ්ඩාර ජුලි මස් 30 දිනවිශ්‍රාම ගත් පසු, මාසයකට වැඩි කාලයක් පුරාවට එම තනතුර හිස්ව ඇති හෙයින් මෙම ප්‍රමාදය, එහි පරිපාලන කාර්යයන් නිසිලෙස කළමනාකරණය කිරීම පිළිබඳව බරපතල ගැටලු රාශියක් ඇති කර තිබේ.

යුධ හමුදා මූලාශ්‍ර වලට අනුව, මෙම තනතුර සදහා ස්ථිරව යමෙක් පත්කරන තෙක් එහි රාජකාරී ආවරණය සදහා වැඩ බැලීමට නිලධාරියෙකු පත් කිරීම සතියකට අඩු කාලයකදී සිදු කල හැකි නමුදු, මෙම පත්කිරීම් දෙකම සිදු නොකිරීම නිසා ස්වේච්ඡා බලසේනාවේ බොහෝ පරිපාලන කටයුතු සදහා ගැටලු සහගත තත්වයක් උද්ගතව ඇත්තේ එහි නියෝජ්‍ය සේනාවිධායක දෛනික කාර්යයන් පරීක්ෂා කිරීමේ වගකීම දැරියයුතු වන හෙයිනි.

මෙම ප්‍රමාදය එම බලසේනාවේ බොහෝ නිලධාරීන් අතර අසතුටක් හා කලකීරීමක් ඇතිකර ඇතැයි වාර්තාවේ.

ජ්‍යෙෂ්ඨතාවය නොසලකා හරිමින් කනිෂ්ඨ නිලධාරියකු පත් කිරීමේ සුදානමක් !

ජ්‍යෙෂ්ඨතාවය අනුව මීලගට සිටින ජ්‍යෙෂ්ඨතම නිලධාරී වනුයේ බ්‍රිගේඩියර් බන්දුල ලේකම්ගේ වන අතර සටන් බිමේ බොහෝ අත්දැකීම් සහිත පරිනත නිලධාරියෙකු  වන ඔහු, 2025 නොවැම්බර් මාසයේදී විශ්‍රාම ගන්නට නියමිතය.

මෙම ජ්‍යෙෂ්ඨතාවය නොසලකා හරිමින් ජ්‍යෙෂ්ඨත්වයෙන් පහලින් සිටින කනිශ්ඨ නිලධාරියෙකු මෙම තනතුර සදහා පත් කිරීමට අයථා ලෙස උත්සාහ කරනුයේ 1985 ස්වේච්ඡා බලකා රෙගුලාසී මාලාවට පරිභාහිරව යමින් බව හමුදා මූලාශ්‍ර උපුටා දක්වයි.

එසේ අයථා ලෙස මෙම තනතුරට පත් කිරීමට උත්සාහ කරන කනිශ්ඨ නිලධාරියා විදේශ ගතව වැටුප් රහිතව නිවාඩුවක් ලබා ගත් අයෙකු විමේ හේතුව මත ඔහුගේ ජ්‍යෙෂ්ඨතාවය නීතිපති දෙපාර්ථමේන්තුවේ උපදෙස් අනුව යමින් අහිමි වී ඇත.

යුධ හමුදාධිපති විසින් ඔහුගේ අහිමි වූ ජ්‍යෙෂ්ඨත්වය නැවත ලබාදීම සදහා තදබල ලෙස උත්සාහ ක‍රමින් නැවතත් නිතිපති දෙපාර්තමේන්තුවෙන් පවා උපදෙස් අපේක්ෂා කර ඇතත් නිතිපතිවරයා පවා එය ප්‍රතික්ෂේප කර ඇත. ඊට හේතුව වන්නේ එවැනි ආකාරයෙන් තවත් නිලධාරී 47 දෙනෙකුගේ ජ්‍යෙෂ්ඨතාවය අහිමි වී ඇති අතර එක් නිලධාරියෙකුගේ ජ්‍යෙෂ්ඨතාවය පමනක් නැවත ලබා දීම අසාධාරණ වන නිසාවෙනි.

මෙසේ නියෝජ්‍ය සේනාවිධායක වරයෙකු පත්නොකිරීමේ හේතුව මත සමස්ථ ස්වේච්ඡා බල සේනාව තුලම නිවැරදි අධිකාරී තත්වයක් නොමැතිවීමේ හේතුවෙන් පරිපාලන කටයුතු රාශියක් සදහා බලපෑම් එල්ල වී ඇත.

මුලාශ්‍රය :

Deputy Commandant post in Volunteer Force vacant for over a month - By Maneshka Borham