"නමුත් එහෙම කිසිම සූදානමක් නැහැ. එතුමා පාර්ලිමේන්තුවට යනවා නම් හරි කාලෙ බලලා යාවි. නමුත් දැනට එවැනි සාකච්ඡාවක් නැහැ. එවැනි සූදානමක් නෑ, යනුවෙන්ද එජාප නියෝජ්‍ය නායකයා කීය.
එජාප නියෝජ්‍ය නායක රුවන් විජයවර්ධන මෙසේ කීවේ, පිටකෝට්ටේ සිරිකොත එක්සත් ජාතික පක්ෂ මූලස්ථානයේ පැවැති දන්සලක ආරම්භක අවස්ථාවේ මාධ්‍යවේදීන් ඇසූ ප්‍රශ්න වලට පිළිතුරු දෙමිනි.
රනිල් වික්‍රමසිංහ හිටපු ජනාධිපති පාර්ලිමේන්තුවට එනවා යැයි බොහෝ කතාබහක් ඇති වී තිබෙන බවත් එතුමා පාර්ලිමේන්තුවට යවන්න සූදානමක් තිබේදැයි එහිදී මාධ්‍යවේදීහු රුවන් විජයවර්ධන ගෙන් විමසූහ.
රනිල් වික්‍රමසිංහ ට සෙත් පතමින් සිරිකොත පක්ෂ මූලස්ථානයේ ඊයේ (07) දිනයේ මෙම දන්සල සංවිධාන කර තිබිණි.
(lankadeepa | අංජුල මහික වීරරත්න)
