ඔහු මෙම අදහස් පළ කළේ පාතාලය සහ විෂ මත්ද්‍රව්‍ය මර්දනය කිරීම වෙනුවෙන් ආණ්ඩුව සිදුකරමින් පවතින ක්‍රියාවලියට සහය පළ කිරීම වෙනුවෙන් සමාජවාදී තරුණ සංගමය ඊයේ (10) ජනතා විමුක්ති පෙරමුණ ප්‍රධාන කාර්යාලයේ දී පැවැත්වූ මාධ්‍ය හමුවක දී ය.
එම මාධ්‍ය හමුවේ දී වැඩි දුරටත් අදහස් දැක්වූ මහේෂ් අඹේපිටිය...
විෂ මත්ද්‍රව්‍ය විරෝධී වැඩපිළිවෙළට උපරිම සහාය
''මේ විදියට දේශපාලන සහාය හේතුවෙන් විපක්ෂයේ බොහෝ පිරිස් කලබලයට පත් වෙලා. මේ වන විට පාතාලය හා විෂ මත්ද්‍රව්‍යය ව්‍යාපාරය යොදා ගනිමින් දේශපාලන බලය පවත්වාගෙන ගිය පිරිස් වෙත සිය බලය සම්පූර්ණයෙන්ම අහිමි වෙලා. විෂමත්ද්‍රව්‍යයට එරෙහිව කටයුතු කළ ව්‍යාපාරයක් ලෙස සමාජවාදී තරුණ සංගමය ඉදිරියේදීත් ආණ්ඩුව ගෙන යන විෂ මත්ද්‍රව්‍ය විරෝධී වැඩපිළිවෙළට උපරිම සහාය දක්වනවා.''
සමස්ත සෞඛ්‍ය වියදමෙන් 22%ක් මත්ද්‍රව්‍ය භාවිතය හේතුවෙන් ලෙඩ රෝගවලට - SYU ජාත්‍යන්තර ලේකම් අංජන සම්පත්
''ශ්‍රී ලංකාවට දැරීමට ඇති සමස්ත සෞඛ්‍ය වියදමෙන් 22%ක් මත්ද්‍රව්‍ය භාවිතය හේතුවෙන් ලෙඩ රෝගවලට ලක් වූ අයට ප්‍රතිකාර කිරීම වෙනුවෙන් යෙදවීමට සිදුව තිබීම ඛේදවාචකයක්. එබැවින් මෙම විෂමද්‍රව්‍ය ව්‍යාපාරය සහමුලින්ම අවසන් කරමින්, මෙරට තරුණ තරුණියන්ට වෙනත් මාවතක් විවර කිරීමේ වගකීම මෙම ආණ්ඩුව භාර ගෙන තෙබෙනවා. ඒයට ආණ්ඩුව විසින් ගෙනයන වැඩපිළිවෙළ සාක්‍ෂි සපයනවා.''
නාමල් රාජපක්ෂලා ගේ ලජ්ජා සහගත ප්‍රකාශ - SYU ජාතික කමිටු සාමාජික සුරංග සංජීව
''මිද්දෙනිය සිදුවීමට අදාළව සලකා බැලූ විට එහි පවතින දේශපාලන පසුබිම පිළිබඳව අවබෝධයක් ලබා ගත හැකි යි. එම සිදුවීමට අදාළ තැනැත්තා ශ්‍රී ලංකා පොදු ජන පෙරමුණේ දේශපාලන ක්‍රියාකාරිකයෙක්. එවැනි පසුබිමක් යටතේ නාමල් රාජපක්ෂලා මාධ්‍ය හමු පවත්වාගෙන කරනු ලබන ප්‍රකාශයන් ලැජ්ජා සහගත ප්‍රකාශ. පාතාලය සහ විෂ මත්ද්‍රව්‍ය මර්දනය කිරීම වෙනුවෙන් මෙරට තරුණ තරුණියන් හා සියලුම ජනතාවගේ මැදිහත්වීම ද අත්‍යවශ්‍ය යි. පාතාලයේ සහ විෂ මත්ද්‍රව්‍ය මර්දනය කිරීම වෙනුවෙන් ආණ්ඩුවට සහාය දැක්වීමට පුරවැසියාට ද වගකීමක් පැවරෙනවා.''
එම මාධ්‍ය හමුව සඳහා සමාජවාදී තරුණ සංගමයේ අධ්‍යාපන ලේකම් මහේෂ් අඹේපිටිය, සමාජවාදී තරුණ සංගමයේ ජාත්‍යන්තර කටයුතු ලේකම් අංජන සම්පත් අමරසිංහ, සමාජවාදී තරුණ සංගමයේ ජාතික කමිටු සාමාජික සුරංග සංජීව ද සහභාගී වූහ.
(සටහන - ජයසිරි අලවත්ත)
