ඔහු මෙම අදහස් පළ කළේ අද (12) පාර්ලිමේන්තුවේ දී ය.
එම අවස්ථාවේ දී වැඩි දුරටත් අදහස් දැක්වූ විපක්ෂ නායකවරයා...
පලස්තිනය මුහුණ දෙන්නෙ ඊශ්‍රායල් රාජ්‍ය ත්‍රස්තවාදයට
''පලස්තීන ජනතාවගේ අයිතිය වෙනුවෙන් පෙනී සිටින්නේ එය යුක්ති සහගත සහ සාධාරණ නිසා. සමගි ජන බලවේගයේ ප්‍රතිපත්තිය සහ වැඩපිළිවෙළ තමයි ඊශ්‍රාලය සහ පලස්තීනය රටවල් දෙකක් ලෙස සාමකාමීව ක්‍රියාමත්මක වීමට සහයෝගය ලබා දීම යි. පලස්තීන ජනතාව අද ඊශ්‍රායල් රාජ්‍යයේ රාජ්‍ය ත්‍රස්තවාදයට මුහුණ දෙනවා. කුඩා බිලිඳා ගේ සිට මව්වරුන් කාන්තාවන් ඇතුළු සමස්ත සිවිල් පුරවැසියන් අද ගාසා තීරයේ සමූල ඝාතනයකට ලක් වෙනවා. අපි මේ සමූල ඝාතනය තරයේ හෙළා දකිනවා.
ඊශ්‍රායලයේ මිනිමරු සංහාරය නැවැත්විය යුතුයි
රටවල් දෙකක් සාමකාමීව ක්‍රියාත්මක විය යුතු යි; එය එලෙස සිදු වන තුරු, පලස්තීන ජනතාවගේ අයිතිය සුරක්ෂා වන තුරු, රෝහල්වලට බෝම්බ දමා මිනීමරණ රාජ්‍ය ත්‍රස්තවාදී සංස්කෘතිය අවසන් වන තුරු, මෙකී මිනීමරණ රාජ්‍ය ත්‍රස්තවාදී සංස්කෘතිය ක්‍රියාත්මක කරන අය සමග කිසිදු මිත්‍රත්වයක් හෝ සංගමයක් අපිට නැහැ. මෙය සමගි ජන බලවේගයේ ප්‍රතිපත්තිය සහ ස්ථාවරය යි. කිසිදු බලපෑමකට එම ස්ථාවරය වෙනස් කරන්න බැහැ. පලස්තීන ජනතාව ඉලක්ක කර ගෙන ක්‍රියාත්මක මහා සංහාරය මිනිමරු ක්‍රියාදාමය නැවැත්විය යුතු යි.''
