ගැනීමට සමගි ජන බලවේගයේ කෘත්‍යාධිකාරී මණ්ඩල රැස්වීමේදී තීරණය කළ බව පාර්ලිමේන්තුවේ විරුද්ධ පක්ෂයේ ප්‍රධාන සංවිධායක, පාර්ලිමේන්තු මන්ත්‍රී ගයන්ත කරුණාතිලක පවසයි.
සමගි ජන බලවේගයේ යම් අඩුපාඩු තිබෙනවා නම් එය පක්ෂය තුළ සාකච්ඡා කළ යුතු බවත් පක්ෂයෙන් පිටත විවිධ තැන්වල ඒ ගැන ප්‍රකාශ නිකුත් කරමින් පක්ෂය විවේචනය කරන පක්ෂ සාමාජයකින් සිටිනවා නම් ඔවුන්ට එරෙහිව විනයානුකූල පියවර ගැනීමට සිදුවන බවට පක්ෂ කෘත්‍යාධිකාරිය මණ්ඩල රැස්වීමේදී තීරණය කළ බව ඔහු කියා සිටියේය.
පක්ෂයේ යම්කිසි ගැටළුවක් තිබෙනවා නම් ඒ පිළිබඳව පක්ෂයේ පාර්ලිමේන්තු කණ්ඩම් රැස්වීම, පක්ෂය කෘත්‍යාධිකාරි මණ්ඩලය, පක්ෂයේ කළමනාකරණ කමිටුව යන ස්ථානවල සාකච්ඡා කළ හැකි බවත් ඉන් පිටත සාකච්ඡා කිරීමෙන් සිදුවන්නේ පක්ෂයේ විනය කඩකිරීමක් බවත් මේ නිසා ඒ ගැන පක්ෂයේ දැඩි අවධානය යොමුවන බවත් ගයන්ත කරුණාතිලක මන්ත්‍රීවරයා තවදුරටත් පැවසිය.
සමගි ජන බලවේගයේ කෘත්‍යාධිකාරී මණ්ඩල රැස්වීම පසුගියදා පක්ෂ නායක, විපක්ෂ නායක සජිත් ප්‍රේමදාස ගේ ප්‍රධානත්වයෙන් පැවැත් වූ බවත් ඒ සඳහා බහුතරයක් පිරිස සහභාගි වූ බවත් ගයන්ත කරුණාතිලක මන්ත්‍රීවරයා වැඩිදුරටත් ප්‍රකාශ කළේය.
| hirunews
