මුදලකට මන්ත්‍රීවරුන් වෙත ලබා දීම තුළින් රජයට පාඩුවක් සිදුව ඇතැයි පවසමින් ආණ්ඩුව ව්‍යාජ මතයක් සමාජ ගත කිරීමට උත්සහ දරමින් සිටින බව හිටපු පාර්ලිමේන්තු මන්ත්‍රී, නීතිඥ ප්‍රේම්නාත් සී. දොලවත්ත සඳහන් කරයි.
අදාළ මන්ත්‍රීවරුන්ගේ පුද්ගලික කීර්ති නාමයට හානියක්
මේ සම්බන්ධව වත්මන් ආණ්ඩුව අවස්ථා දෙකක දී මාධ්‍ය වෙත සාවද්‍ය සහ සමාජය නොමග යවනසුලු අදහස් පළ කිරීම තුළින් සහ ජනමාධ්‍ය සහ සමාජ මාධ්‍ය තුළින් ඒ පිළිබඳව ඔවුන්ගෙන් තොරතුරු විමසීමකින් තොරව වැඩි දුර සොයා නොබලා කරුණු වාර්තා කිරීම තුළින් ජනතාව අසත්‍ය වාර්තා විශ්වාස කිරීමටත්, ඒවා තවදුරටත් ප්‍රචාරණයටත් පෙලඹීම තුළින් අදාළ මන්ත්‍රීවරුන්ගේ පුද්ගලික කීර්ති නාමයට සිදුවන හානිය බරපතළ බව ද ඔහු සඳහන් කරයි.
තවමත් මෙම නිවාස සංකීර්ණයේ මිලදී නොගත් නිවාස ඒකක පවතින බවත්, මධ්‍යම පාන්තික ප්‍රජාවට මිලදී ගැනීම සඳහා නිර්මාණය කළ මෙම නිවාස සංකීර්ණයෙන් මන්ත්‍රීවරුන් වෙත නිවාස ලබා දීමට ප්‍රධාන හේතුව වූයේ පසුගිය අරගල සමයේ නිවාස විනාශ වීමෙන් පසු බොහෝ මන්ත්‍රීවරුන්ට රැදී සිටීමට නිවසක් සහ ආරක්ෂිත ස්ථානයක් නොමැති වීම බව ඔහු විසින් ප්‍රකාශ කරන ලදී.
දැනටත් මාසයකට රු. එක් ලක්ෂ හතළිස් දෙදාහ බැගින් ගෙවනවා
ඒ පිළිබඳ වැඩි දුරටත් කරුණු පැහැදිළි කරමින් ඔහු සඳහන් කළ පරිදි මෙම වියත්පුර නිවාස සංකීර්ණයේ එක් නිවසක් රු ලක්ෂ 110ක මුදලකට විකිණීම සඳහා තීරණය කර තිබු අතර මෙම නිවාස ඒකකයක් තමන් වෙත ලබා දීමේ දී එම නිවසේ බදු සහිත වටිනාකම රු. ලක්ෂ 202 ක් වන බවත් එය ගෙවීමේ පදනම මත ලබා දී ඇති අතර වත්මන් ආණ්ඩුව පත්වීමෙන් පසු 2024 දෙසැම්බර් මාසයේ 31 වන දිනට පෙර මූලික ගෙවීම සිදු කරන මෙන් සිදු කළ දැණුම්දීමක් අනුව වටිනාකමෙන් 25% වන ලෙස ලක්ෂ 50 ගණනක මුදලක් මූලික ගෙවීම වශයෙන් සිදු කළ අතර මේ වන විට මාසිකව මාසයකට රු. එක් ලක්ෂ හතළිස් දෙදාහ බැගින් ගෙවීම් කරන බවයි.
මෙම නිවාස ලබා දීමේ දී මන්ත්‍රීවරුන්ට කිසිදු විශේෂ සහනයක් ලබා දී නොමැති බවත්, යම් කිසි භාණ්ඩයක් ගෙවීමේ පදනමට කොටස් වශයෙන් වාරික ලෙස ගෙවීමට ලබා දී ඇති පරිදි 10% ක පොලියක් සහිතව මාසික වාරික වශයෙන් ගිවිසුමක් අනුව ගෙවාගෙන යාමට මෙම නිවාස ලබා දී ඇති බවත්, එලෙස මන්ත්‍රීවරුන් කොටස් වශයෙන් මුදල් ගෙවාගෙන යාම සම්බන්ධව ආණ්ඩුව අකමැති නම් මුල් අවස්ථාවේ දී ගිවිසුමේ පරිදි 25%ක මුදල භාර නොගෙන බැංකු ණයක් මගින් එම නිවාස ලබා ගැනීමට අවස්ථාව ලබා දීමට තිබු බව ඔහු සඳහන් කරන ලදී.
රජයට කිසිදු පාඩුවක් සිදු වී නැහැ
ඒ ආකාරයට ගෙවීමේ ක්‍රමයට ලබා ගෙන ඇති මෙම නිවාස ගෙවා අවසන් වීමේ දී රජයට රු. ලක්ෂ 307 ක් මුදලක් ඔවුන් විසින් ගෙවීමට නියමිත බවත් මෙම රජය විසින් ලබා දුන් ගිවිසුම අනුව මූලික ගෙවීම ලෙස 25%ක මුදලක් ගෙවා ඉතිරි වාරික නියමිත දිනට ගෙවමින් පවතින පසුබිමක රජය පවසන පරිදි මේ තුළින් රජයට යම් පාඩුවක් සිදුව ඇත්නම් ඒ සම්බන්ධව මෙතෙක් කිසිදු දැණුම්දීමක් රජය විසින් සිදු කර නොමැති බවත් මෙම ආණ්ඩුව විසින් අදාළ ගිවිසුම උල්ළංඝනය කළා හෝ කිසියම් පාඩුවක් සිදු කළා යැයි කියා කිසිදු ආකාරයේ ලේඛනයක් නිවාස මිලදී ගත් පිරිස් වෙත යොමු නොකර මෙම නිවාස ලබා ගැනීම තුළින් මෙම මන්ත්‍රීවරුන් රජයට පාඩු සිදු කළ බවට වත්මන් රජය විසින් සාවද්‍ය ප්‍රකාශ ජනතාව අතරට යැවීම තුළින් එම මන්ත්‍රීවරුන් කෙරෙහි ජනතා අප්‍රසාදයක් ගොඩනැගීමට උත්සහ කරන බවත්, ආණ්ඩුව ඉහත ගිවිසුම උල්ළංඝනය කිරීමට කටයුතු කරන්නේ නම් ඒ සම්බන්ධව නීතිමය ක්‍රියාමාර්ග ගැනීමට සිදුවන බවත් ඔහු විසින් වැඩිදුරටත් අදහස් දක්වමින් ප්‍රකාශ කරන ලදී.
සබැඳි පුවත් :
