අධිකරණයට පැමිණි තිනියාය පාලිත හිමි, මාළබේ සීලරතන හිමියන් පුමුඛ ගරුතර මහා සංඝරත්නයට අධිකරණ භුමියට ඇතුළු වීමට ඉඩ නොදි බාධා කරමින් ස්වාමින් වහන්සේලාට නොගැළපෙන අයුරින් කටයුතු කළ ඉහළ පොලිස් නිළධාරින් තිදෙනෙකු සම්බන්ධව මානව හිමිකම් කොම්ෂන් සභාවට කළ පැමිණිල්ලට අනුව අද උදෑසන 10.00 ට මානව හිමිකම් කොමිෂන් සභාවේ දී එම පැමිණිල්ල විභාගයට ගත්තේ ය.
මේ සඳහා තිනියාය පාලිත නායක ස්වාමින් වහන්සේ, මාළබේ සීලරතන නායක ස්වාමින් වහන්සේ, මහාචාර්ය පියරතන නායක ස්වාමින් වහන්සේ සහ නව ජනතා පෙරමුණ පක්ෂ නායක සුගීෂ්වර බණ්ඩාර ද සහභාගි වූහ.
මෙහි දී පැමිණිල්ල සම්බන්ධයෙන් වැඩිදුර තොරතුරු සොයා බැලීමටත් සාක්ෂි කැඳවීමටත් දෙසැම්බර් 03 වන දිනය ලබා දී ඇත.
අද දින සහකාර පොලිස් අධිකාරි මිනුර සෙනරත් සහභාගි වූ නමුත් මේ හා සම්බන්ධ අනිකුත් පොලිස් නිලධාරින් දෙදෙනා සහභාගි නොවූහ. ඉදිරි නඩු වාරයේ දී ඔවුන් දෙදෙනා ද කැඳවන ලෙස විමර්ශන නිලධාරින් විසින් පොලිස්පතිතුමාට නියෝගයක් නිකුත් කරන ලදී.
මේ සම්බන්ධයෙන් ඉදිරියේ දී මෙම නිලධාරින්ට විරුද්ධව ශ්‍රේෂ්ඨාධිකරණයේ නඩුවක් ගොනු කිරීමට බලාපොරොත්තු වෙන බව පූජ්‍ය තිනියාය පාලිත නායක ස්වාමින් වහන්සේ පැවසූහ.
