නොමැති බවට ලේකම් කාර්යාංශය වාර්තාවක් ඉදිරිපත් කර ඇති බවත් එම නිසා අද දවසේ විශ්වාසභංග යෝජනාවක් ක්‍රියාත්මක කිරීම ප්‍රතික්ෂේප කිරීම තහවුරු කර ගැනීමට යොදවූ පත්‍රිකා තුළින් ම මේ තර්කය බිද වැටී ඇතැයි විපක්ෂ නායකවරයා පැවසී ය.
ඔහු මෙම අදහස් පළ කළේ අද (25) පාර්ලිමේන්තුවේ දී මේ සම්බන්ධයෙන් අදහස් පළ කරමිනි.
එහි දී වැඩි දුරටත් අදහස් දැක්වූ විපක්ෂ නායකවරයා...
වත්මන් රජය දැන් අනුර බණ්ඩාරනායක මහතාගේ සම්ප්‍රදාය ගැන කතා කරනවා
''නීතිපති දෙපාර්තමේන්තුව පැහැදිලි කරන ආකාරයට මේ සදහා නීතිමය බාධාවක් නැහැ. අර්ස්කින් මේ පාර්ලිමේන්තු සම්ප්‍රදාය අනුව සමූහයක් වශයෙන් රජයකට විරුද්ධව විශ්වාසභංග යෝජනා ගෙන එනවා සේම තනි පුද්ගල අමාත්‍යවරුන්ට එරෙහිව ද ගෙන ආ හැකි යි. අර්ස්කින් මේ හරියට කියවා බැලුවාද කියා ප්‍රශ්න කරනවා. ඉන්දියාවේ ව්‍යවස්ථාපිත නිලධාරීන් පමණක් නොව විශ්වාසභංග යෝජනාවක් තනතුරු හොබවන්නන්ට ද ඉලක්ක කර ගත හැකි යි. මේ අය පාර්ලිමේන්තුවේ විශ්වාසය කඩ කරන්නේ නම් විශ්වාසභංග යෝජනාවක් ගෙන ආ හැකි යි. ඉන්දීය පාර්ලිමේන්තු සම්ප්‍රදායේ ද මෙය පවතිනවා.
ක්‍රමයේ වෙනසක් ඇති කරන්නට පැමිණි වත්මන් රජය දැන් ඔවුන්ට අවශ්‍ය ආකාරයට අනුර බණ්ඩාරනායක මහතාගේ සම්ප්‍රදාය ගැන කතා කරනවා. නමුත් අනුර බණ්ඩාරනායක මහතා විපක්ෂ නායකවරයා නැගිටින විට අදහස් ඉදිරිපත් කරන්න අවස්ථාව දුන්නත් මේ අය ඒ අවස්ථාව දෙන්නෙ නෑ. විපක්ෂ නායකවරයාට අදහස් ඉදිරිපත් කරන්න දෙන්නෙ නෑ.
ඊයේ පවසපු දේ අද ප්‍රතික්ෂේප කරනවා
එමෙන්ම විපක්ෂයේ ප්‍රධාන සංවිධායක ගයන්ත කරුණාතිලක මහතා, අජිත් පී පෙරේරා මහතා තර්කානුකූලව පදනම් සහිතව අදහස් ඉදිරිපත් කරන විට ළමයි විදිහට කතා කරන්න එපා යැයි රජය පවසනවා. ඊයේ ළමා අයිතිවාසිකම් ගැන කතා කර අද පාර්ලිමේන්තු මන්ත්‍රීවරුන්ට ළමයි ලෙස කතා කරන්න එපා කියා ඒ අයිතිවාසිකම ද නැති බවට විහිළු සපයනවා.
