එම සංගමය මේ බව සඳහන් කරන්නේ එහි ලේකම් වෛද්‍ය ප්‍රභාත් සුගතදාස ගේ අත්සනින් යුත් මාධ්‍ය නිවේදනයක් නිකුත් කරමිනි.
එම මාධ්‍ය නිවේදනයේ සඳහන් වන පරිදි, සියලුම වෛද්‍ය කාණ්ඩ සඳහා ස්ථාන මාරු කටයුතු සිදු කිරීම නිවැරදි ක්‍රමවේදයට අනුගත වෙමින්, නීත්‍යානුකූල පාර්ශවකරුවන්ගේ සහභාගීත්වය සහිතව, සෞඛ්‍ය අමාත්‍යංශයේ දී මෙන්ම රෝහල් සහ අනෙකුත් සෞඛ්‍ය ආයතන තුළදී ද සිදු විය යුතු බව රජයේ වෛද්‍ය නිලධාරින්ගේ සංගමයේ මධ්‍යම කාරක සභාව ඒකමතිකව තීරණය කර ඇති කාරණයක් බවත්, එමගින් රට පුරා රෝහල් සහ සෞඛ්‍ය ආයතනවල සේවා බිඳ වැටීම් වළක්වා ගැනීමත්, වෛද්‍යවරුන් අපහසුතාවට පත් වීම වළක්වා ගැනීමත් අරමුණු කරගෙන ඇත.
නමුත් කණගාටුදායක ලෙස ඇතැම් සෞඛ්‍ය අමාත්‍යංශ බලධාරීන් ද, ඇතැම් රෝහල් සහ සෞඛ්‍ය ආයතනවල ප්‍රධානීන් ද එම එකඟතාවට සහ පොදු නියමිත ක්‍රමවේදයට බැහැරව යමින් සහ පාර්ශ්වකරුවන් නොසලකා හරිමින්, වෛද්‍යවරුන්ද අපහසුතාවට පත්වන අයුරින් අත්තනෝමතිකව ක්‍රියා කිරීම නිසා රට පුරා රෝහල් ගණනාවක සේවා බිඳ වැටීමේ තර්ජනයක් උද්ගත වී තිබෙන බව ද එම නිවේදනයේ වැඩි දුරටත් සඳහන් වේ.
මතු පළ වන්නේ රජයේ වෛද්‍ය නිලධාරීන්ගේ සංගමය (GMOA) විසින් නිකුත් කරන ලද සම්පූර්ණ මාධ්‍ය නිවේදනය යි.
