එමෙන්ම දිගුකාලීන සහ කෙටිකාලීන දේශීය ණය ශ්‍රේණිගත කිරීම CCC+/C මට්ටමේම පවත්වාගෙන යෑමට තීරණය කර ඇති බවත් නිවේදනයක් නිකුත් කරමින් පැවසීය.
එම නිවේදනය මගින් ඔවුන් වැඩිදුරටත් සඳහන් කර ඇත්තේ, ශ්‍රී ලංකාව පිළිබඳ මෙම ශ්‍රේණිගත කිරීම් සඳහා රටේ ශක්තිමත් ආර්ථික ප්‍රකෘතිය, වේගවත් මූල්‍ය ඒකාබද්ධතාවය සහ ප්‍රතිසංස්කරණ, වැඩිදියුණු වන ගෙවුම් ශේෂ තත්ත්වය සහ රාජ්‍ය ව්‍යවසායන්ගෙන් මූල්‍ය අවදානම් අඩුකිරීමේ තිරසාර ප්‍රගතිය යන කරුණු සැලකිල්ලට ගත් බවය.
මේ අතර ෆිච් රේටින්ස් ආයතනයද විදේශ මුදල්වලින් මෙරටට නිකුත් කරන ලද දිගුකාලීන ණය ආපසු ගෙවීමට ශ්‍රී ලංකාවට ඇති හැකියාව පිළිබඳ වූ ශ්‍රේණිගත කිරීම CCC+ මට්ටමේම පවත්වාගෙන යෑමට තීරණය කර තිබේ.
නිවේදනයක් නිකුත් කරමින් ඔවුන් පෙන්වා දී ඇත්තේ ශ්‍රී ලංකාව 2024 දී ස්වෛරී ණය ප්‍රතිව්‍යුහගත කිරීම අවසන් කළ ද, රජයේ සාමාන්‍ය ණයබරතාවය ඉහළයාම සහ ඉහළ පොලී-ආදායම් අනුපාතය හේතුවෙන් මෙම ශ්‍රේණිගත කිරීම පැවති CCC+ මට්ටමේම පවත්වාගෙන යෑමට හේතු වූ බවයි.
ශ්‍රී ලංකාවේ ආර්ථිකය සම්බන්ධයෙන් ජාත්‍යන්තර ආයතන පළකරන ධනාත්මක ප්‍රතිචාර සහ ශ්‍රේණිගත කිරිම් හමුවේ දේශිය සහ විදේශීය ආයෝජකයින්ගේ විශ්වාසය ඉහළ ගොස් තිබේ.
එලෙස ආයෝජකයින්ගේ විශ්වාසය ශක්තිමත්වීම හමුවේ කොළඹ කොටස් වෙළෙඳපොළේ සියලු කොටස් මිල දර්ශකය ඉතිහාසයේ ප්‍රථමවරට පසුගියදා (3) 22,000 සීමාව ඉක්මවා ගියේය.
ආර්ථික වර්ධනයට තවත් ප්‍රතිසංස්කරණ ඕනෑ - ධනනාත් ප්‍රනාන්දු
මේ අතර ආර්ථික විශ්ලේෂක ධනනාත් ප්‍රනාන්දු පවසන්නේ, දැනට රටේ ආර්ථිකය ස්ථාවරව පැවැතියද යහපත් ආර්ථික වර්ධනයක් වෙනුවෙන් තවත් ප්‍රතිසංස්කරණ අවශ්‍ය බවයි.
ඔහු මේ බව කියා සිටියේ 'ෆිච් රේටින්ග්ස්' ආයතනය මෙරට ණය ශ්‍රේණිගත කිරීම ''ත්‍රිපල් සී ප්ලස්'' (CCC+/C) ලෙස යළි තහවුරු කිරීම සම්බන්ධයෙන් අදහස් පළ කරමිනි.
මෙම මට්ටමේ සිට අන්තර්ජාතිකව මුල්‍ය වෙළඳපොළකින් ණය ලබාගැනීමේදී ඉහළ පොලී අනුපාතයක් ගෙවීමට සිදුවන බව මේ සම්බන්ධයෙන් අදහස් දක්වමින් ආර්ථික විශ්ලේෂක ධනනාත් ප්‍රනාන්දු සදහන් කළේය.
