පාර්ලිමේන්තුවට පැමිණ එම නිලධාරින් අදාළ ප්‍රකාශ ලබා දෙන්නේ කාරක සභාව ගැන විශ්වාස කරමින් බවත් හෙතෙම කියා සිටියි.
එවන් එවන් ප්‍රකාශයන් තම සමාජ ජාල ගිණුම් ඔස්සේ වාර්තා කරන මන්ත්‍රීවරුන් සිදු කරන්නේ බරපතළ වරදක් බවත් ඒ සම්බන්ධයෙන් පරීක්ෂණ කළ යුතු බවත් ඇමතිවරයා පැවසීය.
හරි නම් එම වරදකළ මන්ත්‍රීවරයා කාරක සභාවෙන් නෙරපිය යුතු බවත් ඔහු කියා සිටියේය.
අදාළ කරුණාව සම්බන්ධයෙන් පාර්ලිමේන්තුවේදී මතුවූ සංවාදයකදී ඔහු මේ බව සඳහන් කළේය.
පාස්කු ප්‍රහාරයේ මහ මොලකරු හඳුනාගෙන තිබෙන බව මහජන ආරක්ෂක අමාත්‍යාංශයේ ලේකම් රවී සෙනවිරත්න තහවුරු කර ඇතැයි සමගි ජන බලවේගයේ පාර්ලිමේන්තු මන්ත්‍රී ජනාධිපති නීතිඥ එම්. නිසාම් කාරියප්පර් පවසයි.
උසස් නිලතල කාරක සභාවේදී තමා යොමු කළ ප්‍රශ්නයකට පිළිතුරු ලබා දෙමින් සෙනෙවිරත්න මේ බව සඳහන් කළ බව සිය X ගිණුමේ සටහනක් තබවමින් මන්ත්‍රීවරයා සඳහන් කර තිබේ.
පොලිසියෙන් පැහැදිලි කිරීමක්
පාස්කු ප්‍රහාරයේ මහ මොළකරු හඳුනාගෙන ඇති බවත්, එය පිටුපස ඉන්දියාව සිටින බවටත් මහජන ආරක්ෂක අමාත්‍යාංශයේ ලේකම් රවි සෙනවිරත්න විසින් පාර්ලිමේන්තු උසස් නිලතල කාරක සභාවට ප්‍රකාශ කළ බවට සමාජ මාධ්‍ය ඔස්සේ සංසරණය වන පුවත සත්‍යයෙන් තොර බවත්, අදාළ පුවත තරයේ ප්‍රතික්ෂේප කරන බවත් පොලීසිය නිවේදනයක් නිකුත් කරමින් සඳහන් කරයි.
අදාළ නිවේදනය පහතින් දැක්වේ.
