ඒ උදෙසා ඒකමතික අනුමැතිය ලැබූ බවත් රටටත් ජනතාවටත් බලපාන කරුණු කාරණා ගැන ප්‍රශ්න ගැටලුවලට විසදුම් සහ උත්තර ලබා දීමට: ප්‍රායෝගික, ජනතාවාදී, ප්‍රගතිශීලි, ජනහිතකාමී. ප්‍රතිපත්තිමය එකඟතාව මත මෙම ගමන සමගි ජන බලවේගයෙ නායකත්වයෙන් ඉදිරියට යන බවත් එහි දී පක්ෂ දෙකේ අනන්‍යතාව පවත්වා ගනිමින් කටයුතු කරන බවත් විපක්ෂ නායකවරයා වැඩිදුරටත් පැවසී ය.
එජාප සමග සහයෝගයෙන් වැඩ කරන්න සජබ කෘත්‍යාධිකාරී මණ්ඩලය එකග වුණා - සජබ මහ ලේකම්
එක්සත් ජාතික පක්ෂය සහ සමගි ජන බලවේගය එකට සහයෝගයෙන් වැඩ කිරීමට ඊයේ (09) පැවති සමගි ජන බලවේගයේ කෘත්‍යාධිකාරී මණ්ඩලය රැස්වූ අවස්ථාවේ දී සහ පසුගිය දා කළමනාකරණ මණ්ඩලය රැස්වූ අවස්ථාවේ දී අනුමැතිය හිමි වූ බව සමගි ජන බලවේගයේ මහ ලේකම් පා.ම. රංජිත් මද්දු බණ්ඩාර පැවසී ය.
පළාත් පාලන මැතිවරණය අවස්ථාවේ මෙවැනි තීන්දුවක් නොගත්තත් කෘත්‍යාධිකාරී මණ්ඩලය පළමු වතාවට ඓතිහාසික තීන්දුවක් ගත් බවත්, තවමත් විපක්ෂ නායකවරයා වන්නේ සජිත් ප්‍රේමදාස බවත් නායකත්වය සම්බන්ධයෙන් ගැටලුවක් නොමැති අතර රටේ ජනතාව මෙම ගමනට ආශිර්වාද කරන බවත් ඔහු පැවසී ය.
