වවුනියාවේ වෙඩුක්කුනාරි පර්වතයේ පිහිටි ආදි ලිංගේස්වර කෝවිල් කමිටුවේ සභාපති සෙල්වතුරෙයි ශෂිකුමාර් ට සහ හිටපු ලේකම් තුරෙයිරාසා තමිල්චෙල්වන්ට ත්‍රස්ත මර්දන හා විමර්ශන කොට්ඨාශයේ (CTID) වව්නියාවේ පිහිටි ඒකකයට ඔක්තෝබර් 09 වැනි බ්‍රහස්පතින්දා උදෑසන කැදවා තිබුනේ ‘පුරාවිද්‍යා භුමිය සම්බන්ධ විමර්ශනයකට’ බව දැනුම් දෙමිනි.
ලිංගේස්වර කෝවිල් කමිටුවේ සභාපති සෙල්වතුරෙයි ශෂිකුමාර්ගෙන් පැය දෙකකට ආසන්න කාලයක් ප්‍රකාශ සටහන් කර ගැනීමෙන් පසු තමාගෙන් ප්‍රකාශ සටහන් කරගත් ත්‍රස්ත මර්දන හා විමර්ශන කොට්ඨාශයේ නිලධාරීන් දෙමළ ඊලාම් විමුක්ති කොටි සංවිධානය සමග තමන්ට සබඳතාවයක් පැවැතියේදැයි ප්‍රශ්න කළ බව ප්‍රාදේශිය සභා මන්ත්‍රීවරයකුද වන තුරෙයිරාසා තමිල්චෙල්වන් පළාත් බද මාධ්‍යවේදීන් සමග පවසා තිබේ.
"එල්ටීටීඊ සංවිධානය සමඟ කිසියම් සම්බන්ධයක් තිබෙනවාද, හිටපු එල්ටීටීඊ සටන්කරුවන් කී දෙනෙක් ඉන්නවාද, වගේ දේවල් ඔවුන් මගෙන් ඇහුවා. මට එල්ටීටීඊය සමග කිසිම සම්බන්ධයක් නැති වග මම ඒගොල්ලන්ට කිව්වා."
ඔහු වැඩි දුරටත් පවසන්නේ තමන් ආදි ලිංගේස්වර කෝවිල් කමිටුවේ පරිපාලනයෙන් ඉවත්වීම සම්බන්ධයෙන්ද ත්‍රස්ත මර්දන හා විමර්ශන කොට්ඨාශයේ (CTID) වව්නියාවේ ඒකකයේ නිලධාරීන් ප්‍රශ්න කළ බවයි.
"ඔවුන් මගෙන් ඇහුවා මම කෝවිලේ පරිපාලනයෙන් ඉවත් වුණේ ඇයි කියලා. පරිපාලන සභාව සෑම වසර දෙකකට වරක් වෙනස් කරන බව මම ඔවුන්ට කිව්වා."
ඔහු වැඩි දුරටත් පවසන්නේ තමන් ආදි ලිංගේස්වර කෝවිල් කමිටුවේ පරිපාලනයෙන් ඉවත්වීම සම්බන්ධයෙන්ද ත්‍රස්ත මර්දන හා විමර්ශන කොට්ඨාශයේ (CTID) වව්නියාවේ ඒකකයේ නිලධාරීන් ප්‍රශ්න කළ බවයි.
"ඔවුන් මගෙන් ඇහුවා මම කෝවිලේ පරිපාලනයෙන් ඉවත් වුණේ ඇයි කියලා. පරිපාලන සභාව සෑම වසර දෙකකට වරක් වෙනස් කරන බව මම ඔවුන්ට කිව්වා."
වවුනියාවේ වෙඩුක්කුනාරි පර්වතයේ පිහිටි ආදි ලිංගේස්වර කෝවිල් සම්බන්ධයෙන් විමර්ශන සිදු කිරීමට හේතු කවරේදැයි විමසු තුරෙයිරාසා තමිල්චෙල්වන්ට පොලිස් නිලධාරීන් පවසා ඇත්තේ ඉහළින් ලැබුනු නියෝගයක් අනුව එම විමර්ශන සිදු කරන බවයි.
" CITD පොලිසිය කෝවිල ගැන පරීක්ෂණ පවත්වන්නේ ඇයි කියලා මම ඇහුවා. ඉහළින් ලැබුණු නියෝග මත පරීක්ෂණ පවත්වන බව ඔවුන් කිව්වා."
ත්‍රස්ත මර්දන හා විමර්ශන කොට්ඨාශයේ නිලධාරින් සිදු කළ මෙම ප්‍රශ්න කිරීම අනුමත කළ නොහැකි බව පවසන ප්‍රාදේශීය සභා මන්ත්‍රී තමිල්චෙල්වන් පළාත් බද මාධ්‍යවේදීන් සමග වැඩි දුරටත් පවසා ඇත්තේ ත්‍රස්තවාදය වැළැක්වීමේ පනත යටතේ ප්‍රශ්න කිරීමෙන් ක්‍රියාකාරීන් නිහඩ වනු ඇතැයි ත්‍රස්ත මර්දන හා විමර්ශන කොට්ඨාශයේ නිලධාරීන් සිතන බවයි.
"මෙය පිළිගන්න බැහැ. මෙය මායිම් ගම්මානවල ජනතාව වෙනුවෙන් හඬ නඟන අපව තලා දැමීමේ ක්‍රියාවක්. ඔවුන් ආගම පදනම් කරගෙන අපව පාලනය කිරීමට උත්සාහ කරනවා. ඔවුන් සිතන්නේ ආගම වෙනුවෙන් පෙනී සිටින අය ත්‍රස්තවාදය වැළැක්වීමේ පනත යටතේ ගෙනාවොත් අපි බය වෙලා වැඩ කටයුතු නවත්වාවි කියලා."
ප්‍රතිමාව ගලවා ලඳු කැලෑවට විසිකරයි
වෙඩුක්කුනාරි පව්ව මුදුනේ සිව දේවාලයට 2023 වසරේ මාර්තු මාසයේ දී හානි සිදු කළ පිරිසක් කඳු මුදුනේ තැන්පත් කර තිබූ ආදි ලිංගේශ්වරර් ප්‍රතිමාව ගලවා ලඳු කැලෑවට විසිකර දමා තිබුනි.
පිළිමයට අමතරව එම ස්ථානයේ තැන්පත් කර තිබු ගණදෙවි, අම්මන් සහ බහිරව යන ප්‍රතිමා ත්‍රිත්වයත් එම ස්ථානයෙන් අතුරුදහන් කර ඇති බවට පළාත් බද වාර්තාකරුවන් විසින් එවකට වාර්තා කරන ලදී.
ආදි ලිංගේස්වර කෝවිලේ මහා ශිව රාත්‍රී වන්දනා කටයුතු සිදු කරමින් සිටියදී 2024 මාර්තු 8 වැනිදා රාත්‍රියේ පොලීසිය විසින් හින්දු භක්තිකයන් අට දෙනකු සහ පුජා භාණ්ඩ ඇතුළු උපකරණ තොගයක් ද අත්අඩංගුවට ගෙන තිබුනේ අධිකරණ නියෝග නොතකමින් රාත්‍රි කාලයේ විශේෂ පුජාවක් පැවැත්වු බවට චෝදනා කරමිනි.
ඔවුන්ට එරෙහි චෝදනා ඔප්පු කිරීමට පොලිසියට කරුණු නොමැති වීමෙන් නඩුව නිෂ්ප්‍රභ කර සියළු දෙනා නිදහස් කිරීමට වව්නියාව දිසා අධිකරණය 2024 මාර්තු 19 වැනිදා නියෝග කළේය.
ත්‍රස්ත මර්දන හා විමර්ශන කොට්ඨාශයේ නිලධාරින් සිදු කළ මෙම ප්‍රශ්න කිරීම අනුමත කළ නොහැකි බව පවසන ප්‍රාදේශීය සභා මන්ත්‍රී තමිල්චෙල්වන් පළාත් බද මාධ්‍යවේදීන් සමග වැඩි දුරටත් පවසා ඇත්තේ ත්‍රස්තවාදය වැළැක්වීමේ පනත යටතේ ප්‍රශ්න කිරීමෙන් ක්‍රියාකාරීන් නිහඩ වනු ඇතැයි ත්‍රස්ත මර්දන හා විමර්ශන කොට්ඨාශයේ නිලධාරීන් සිතන බවයි.
"මෙය පිළිගන්න බැහැ. මෙය මායිම් ගම්මානවල ජනතාව වෙනුවෙන් හඬ නඟන අපව තලා දැමීමේ ක්‍රියාවක්. ඔවුන් ආගම පදනම් කරගෙන අපව පාලනය කිරීමට උත්සාහ කරනවා. ඔවුන් සිතන්නේ ආගම වෙනුවෙන් පෙනී සිටින අය ත්‍රස්තවාදය වැළැක්වීමේ පනත යටතේ ගෙනාවොත් අපි බය වෙලා වැඩ කටයුතු නවත්වාවි කියලා."
ප්‍රතිමාව ගලවා ලඳු කැලෑවට විසිකරයි
වෙඩුක්කුනාරි පව්ව මුදුනේ සිව දේවාලයට 2023 වසරේ මාර්තු මාසයේ දී හානි සිදු කළ පිරිසක් කඳු මුදුනේ තැන්පත් කර තිබූ ආදි ලිංගේශ්වරර් ප්‍රතිමාව ගලවා ලඳු කැලෑවට විසිකර දමා තිබුනි.
පිළිමයට අමතරව එම ස්ථානයේ තැන්පත් කර තිබු ගණදෙවි, අම්මන් සහ බහිරව යන ප්‍රතිමා ත්‍රිත්වයත් එම ස්ථානයෙන් අතුරුදහන් කර ඇති බවට පළාත් බද වාර්තාකරුවන් විසින් එවකට වාර්තා කරන ලදී.
ආදි ලිංගේස්වර කෝවිලේ මහා ශිව රාත්‍රී වන්දනා කටයුතු සිදු කරමින් සිටියදී 2024 මාර්තු 8 වැනිදා රාත්‍රියේ පොලීසිය විසින් හින්දු භක්තිකයන් අට දෙනකු සහ පුජා භාණ්ඩ ඇතුළු උපකරණ තොගයක් ද අත්අඩංගුවට ගෙන තිබුනේ අධිකරණ නියෝග නොතකමින් රාත්‍රි කාලයේ විශේෂ පුජාවක් පැවැත්වු බවට චෝදනා කරමිනි.
ඔවුන්ට එරෙහි චෝදනා ඔප්පු කිරීමට පොලිසියට කරුණු නොමැති වීමෙන් නඩුව නිෂ්ප්‍රභ කර සියළු දෙනා නිදහස් කිරීමට වව්නියාව දිසා අධිකරණය 2024 මාර්තු 19 වැනිදා නියෝග කළේය.
පළාතේ දෙමළ ජනතාව අද වන විට වෙඩුක්කුනාරී ආදී ලිංගේස්වර කෝවිල ලෙස හැදින්නුවද අතීතයේ එම ස්ථානය වඩ්ඩමාන පර්වත විහාරය ලෙස හඳුන්වන ලද බවට සිංහල බෞද්ධයන් අතර මතයක්ද පවති.
