කබීර් හෂීම්, එස්.එම්. මරික්කාර්, මුජිබුර් රහුමාන් සහ එරාන් වික්‍රමරත්න එම කමිටු සාමාජිකයෝ වෙති.
එජාපය සමග එකට වැඩ කිරීමට හැකි ආකාරය පැහැදිලි කරන අදාළ යෝජනාවලිය සකස් කර සජබ නායකයා වෙත ලබා දීම මෙම සිවුදෙනාට පැවරී තිබෙන වගකීම වන අතර මෙය ගිය සතියේ රැස් වූ ‘සමගි ජන බලවේගයේ’ කළමනාකරණ කමිටුවේ තීරණයකි.
එසේ ම, තම තමන්ගේ පක්ෂවල අනන්‍යතාව ආරක්ෂා කරගනිමින් ඒකාබද්ධව ඉදිරියට යන ආකාරය ගැන සෙවීම මෙම කමිටුව වෙත පැවරී තිබෙන වගකීම බව විපක්ෂයේ ප්‍රධාන සංවිධායකවරයා කීවේ ය.
සමගි ජන බලවේගය ප්‍රධාන විපක්ෂය හැටියට මූලිකත්වයේ තබාගෙන එක්සත් ජාතික පක්ෂය සමඟ ඒකාබද්ධව කටයුතු කිරීමට කළමනාකරණ කමිටුව ඒකමතිකව තීරණය කර තිබේ.
කළමනාකරණ කමිටුවේ එම තීරණය පසුගිය බ්‍රහස්පතින්දා රැස් වූ කෘත්‍යාධිකාරි මණ්ඩලය වෙත ඉදිරිපත් කළ බවත් කෘත්‍යාධිකාරි මණ්ඩලයත් ඒකමතිකව එය අනුමත කළ බැවින් එක්සත් ජාතික පක්ෂය සමග සමගි ජන බලවේගයේ මූලිකත්වය ඇතිව එම වැඩකටයුතු ඉදිරියට ගෙන යෑම සිදුවනු ඇති බවත් ගයන්ත කරුණාතිලක කීය.
(mawbima | Sachithra Perera )
