ඉන් සියයට 63.2 ක් වාහන ඇපයට තබා ලබාගත් ණය බවත් තවත් සියයට 19.4 ක් රන් භාණ්ඩ ඇපයට තබා ලබාගත් ණය බවත් එම වාර්තාවේ දැක්වේ. එසේම මෙම වසරේ දෙවැනි කාර්තුව අවසන් වනවිට මෙරට මූල්‍ය සමාගම්වලින් ණය සහ අත්තිකාරම් මුදල් ගැනීම් පසුගිය වසරේ දෙවැනි කාර්තුවට සාපේක්ෂව සියයට 35.1 කින් ඉහළ ගොස් ඇති බවද එම වාර්තාවේ සඳහන් වේ.
එසේම මෙම වසරේ දෙවැනි කාර්තුව අවසානය වනවිට වාහන සඳහා ලබාගෙන ඇති ණය පසුගිය වසරේ දෙවැනි කාර්තුවට සාපේක්ෂව සියයට 33.4 කින් වර්ධනය වී තිබෙන බවත් එය මෙම වසරේ මෙරට මූල්‍ය සමාගම් ලබාදුන් ණය මුදල්වලින් සියයට 65.1 ක් බවත් එම වාර්තාවේ දැක්වේ. ගෝලීය වෙළෙඳපොළේ රත්රන් මිල මෙම වසරේදී ශීඝ්‍රයෙන් අඛණ්ඩව ඉහළ ගියත් මූල්‍ය සමාගම්වලින් ලබාගෙන ඇති රන් ණය පසුගිය වසරේ දෙවැනි කාර්තුවට සාපේක්ෂව මෙම වසරේ දෙවැනි කාර්තුව අවසානයේදී සියයට 43.8 කින් වර්ධනය වී තිබෙන බවද එම වාර්තාවේ සඳහන් වේ.
වාහන සහ රන් ණය මෙරට මූල්‍ය සමාගම් ලබාදී ඇති ණය මුදල් වලින් වැඩි ප්‍රතිශතයකට හිමිකම් කීම තුළින් මෙරට මූල්‍ය සමාගම් පටු පරාසයක ඇපකර වර්ග වලට සැලකිය යුතු ලෙස නිරාවරණයවී ඇති බව පෙන්නුම් කරන බව එම වාර්තාවේ දැක්වේ. රන් ණය මෙලෙස සැළකිය යුතු මට්ටමකින් වර්ධනය වීමෙන් පෙන්නුම් කරන්නේ දිගුකාලීන ආදායම් පීඩන මධ්‍යයේ හදිසි මූල්‍ය අවශ්‍යතා සඳහා ද්‍රවශීල වත්කමක් ලෙස මෙරට පවුල් රත්රන් මත අඛණ්ඩව රඳා පවතින බව යැයි එම වාර්තාව පෙන්වා දුන්නේය.
(lankadeepa | විමුක්ති එස් රුද්‍රිගු)
