සෙසු දේශපාලන පක්ෂවලටද ඉදිරියේදී ආරාධනය කිරීමට සූදානම් බවත්, කෙසේ වෙතත් දැනට එජාපය සහ සජබය එක්ව කටයුතු කරන බවත් සමගි ජන බලවේගයේ මහ ලේකම් රංජිත් මද්දුම බණ්ඩාර පවසයි.
මේ වැඩපිළිවෙළ ක්‍රියාත්මක කිරීමේදී දේශපාලන පක්ෂ දෙකේ අනන්‍යතාව ආරක්ෂා කරගැනීමට කටයුතු කරන බවත් ඔහු පැවසිය.
''එජාප සාමාජිකත්වය ගන්නේ නෑ''
කෙසේවුවද, සමගි ජන බලවේගය, එක්සත් ජාතික පක්ෂයේ සාමාජිකත්වය නොගන්නා බවත් ඔහු වැඩිදුරටත් සඳහන් කරයි.
ආර්ථික සහ අනෙකුත් කරුණු සම්බන්ධයෙන් මතවාදි වශයෙන් එජාපය සහ සජබය සමාන ස්ථාවරවල සිටිමින් කටයුතු කරන බවත් පෙන්වා දෙන මහ ලේකම්වරයා, මේ නිසා එකට කටයුතු කිරීමේදී ගැටලු මතු නොවන බවද සඳහන් කරයි.
මේ සම්බන්ධයෙන් අප විපක්ෂය නියෝජනය කරන දේශපාලන පක්ෂ නියෝජිතයන් කිහිපදෙනකුගෙන් කළ විමසීම්වලදී ඔවුන් පැවසුවේ මෙතෙක් ඒ පිළිබඳ ආරාධනයක් ලැබී නැති බවයි. එනිසා නිශ්චිත අදහසක් පළ කළ නොහැකි බව සඳහන් කළ ඔවුන්, වැඩිදුරටත් සඳහන් කළේ විපක්ෂය එකට එක් වීම අනිවාර්යෙන්ම සිදු විය යුතු බවයි.
( silumina | අසංක කරුණාරත්න)
