* පළාත් නවය නියෝජනය කරමින් නඩුවට පෙනී සිටීම සඳහා නීතිඥවරුන්1500 ක්
* ශ්‍රී ලංකා පොදු ජන පෙරමුණ ප්‍රමුඛ පක්ෂ සංවිධාන රැසක්ම පැමිණිලිකරුවන් අතර
පසුගියදා සිදුවු නායයාම් සහ ගංවතුර නිසා පුද්ගලයන් සිය ගණනක් මරණයට පත්වි රුපියල් කෝටි දහස් ගණනක දේපළ හානියක් සිදුවීම කල්තබා කළමනාකරණය කොට පාලනය නොකිරීම මානව සංහතියට සිදුකළ අපරාධයක් බැවින් ඊට අදාළ බරපතල චෝදනා ගණනාවක් මත ආණ්ඩුවට එරෙහිව ශ්‍රේෂ්ඨාධිකරණයේ නඩුපැවරීමට විපක්ෂයේ පක්ෂ ගණනාවක් සංවිධානය වෙමින් සිටින බව වාර්තාවේ.
මෙයට නායකත්වය දෙන්නේ හිටපු ජනාධිපති රනිල් වික්‍රමසිංහ ය.
ශ්‍රී ලංකා පොදු ජනපෙරමුණේ ජාතික සංවිධායක නාමල් රාජපක්‍ෂ ප්‍රමුඛ විපක්ෂයේ ප්‍රධාන පක්ෂ ගණනාවක්ද මීට දායකව සිටිති.
මේ සම්බන්ධ මූලික සාකච්ඡාවක් ප්‍රධාන පෙළේ නිති විශාරදයන් සිය දෙනෙකුගේ පමණ සහභාගිත්වයක් පසුගියදා කොළඹ ප්‍රධාන පෙලේ හෝටලයකදි
පැවැත්විනි.
එම හමුවේදී තීරණය වී ඇත්තේ මෙම ආපදාව නිසා මරණයට පත් වූ තැනැත්තන් සිටි පවුල්වල මූලිකත්වයෙන් නඩුව පැවරීමටයි.
මෙහි වගඋත්තරකරුවන් වශයෙන් ආපදා කළමනාකරණ විෂය භාර අමාත්‍යවරයා, පළාත් ආණ්ඩුකාරවරුන්, ප්‍රමුඛ මෙයට වගකිව යුතු රාජ්‍ය නිලධාරීන් සහ නීතිපතිවරයා නම් කිරීමට නියමිතය.
මෙම නඩුවේ විශේෂත්වය වන්නේ පළාත් නවයම නියෝජනය කරන නීතිඥවරුන් 1500ක් පමණ පැමිණිලි පාර්ශ්වය වෙනුවෙන් ස්වේච්ඡාවෙන්ම පෙනී සිටීම බවද වාර්තාවේ.
