මිලින්ද මොරගොඩ එහි ආරාධිතයෙකු වශයෙන් සහභාගී වී සිටී. ඉන්දීය විදේශ අමාත්‍යංශය සහ අනන්තා පදනම මෙම සංසදය සංවිධානය කරයි.
ඉන්දියාවට නායකත්වය ගත හැකි අවස්ථාවක්
මෙම සැසිය අතරවාරය් දී මිලින්ද මොරගොඩ: ඉන්දීය විදේශ අමාත්‍ය ආචාර්ය එස්. ජෙයශංකර්, මුදල් අමාත්‍ය නිර්මලා සීතාරාම්, විදේශ ලේකම් වික්‍රම් මිශ්රි ඇතුළු ඉන්දීය ඉහළ පෙලේ ප්‍රතිපත්ති සම්පාදකයෝ මුණ ගැසිණ.
සුළි කුණාටු විපත්වලට පසු ශ්‍රී ලංකාව නැවත ගොඩනැගීමේ හා පුණර්ජීවනයක් ඇති කිරීමේ ක්‍රියාවලිය සඳහා ඉන්දියාවට නායකත්වය ගත හැකි බව මිලින්ද මොරගොඩ මහතා පෙන්වා දී ඇත.
උපායශීලී හවුල්කරුවකු ලෙස ජපානයට සැලකිය යුතු කාර්ය භාරයක් ඉටු කළ හැකි බව ද මිලින්ද මොරගොඩ සඳහන් කර ඇත.
රටවල් අතර ද්වි පාර්ශවික හා බහු පාර්ශවික සබඳතා
ඉන්දියාව හා ජපානය ගොඩනැගෙන සහයෝගීතාව තුළින් ආර්ථීක ආරක්ෂාව, වෙළඳාම, න්‍යෂ්ටික බලය, ඩිජිටල්කරණය, ඛනිජ සම්පත් සහ ආයෝජන ක්ෂේත්‍රවල සැලකිය යුතු අවස්ථා අලුතින් අත්පත් කරගත හැකි බව ද මිලින්ද මොරගොඩ මෙම සංසදයේ සිය දේශනය අතරතුර තවදුරටත් සඳහන් කර ඇත.
දෙරට අතර ඉහළ පෙළෙහි නායකත්වයට රටවල් අතර ද්වි පාර්ශවික හා බහු පාර්ශවික සබඳතා උපායශීලීව ඉදිරියට ගෙන යා හැකි ආකාරය සම්බන්ධයෙන් නවතම පැතිකඩ ඉදිරියේ පවතින බව ද ඉන්දීය -ජපාන සංසදය දක්වා ඇත.
