මෙම අවස්ථා පිරිනමා ඇත්තේ RUDN, ශාන්ත පීටර්ස්බර්ග්, ටොම්ස්ක්, යූරල් සහ ඉර්කුට්ස්ක් ඇතුළු කීර්තිමත් රුසියානු විශ්වවිද්‍යාලය යි.
මෙම වැඩසටහන තුළින්, උපකාරක ගාස්තුවලින් 100%ක් රුසියානු රජය විසින් ආවරණය කරනු ලබන අතර, එය උසස් අධ්‍යාපනය සඳහා සැබවින්ම කැපී පෙනෙන අවස්ථාවක් බවට පත් කරයි.
1960 ගණන්වල සිට, ශ්‍රී ලාංකිකයන් 5,000කට වැඩි පිරිසක් මෙම ශිෂ්‍යත්වවලින් ප්‍රතිලාභ ලබා ඇති අතර, බොහෝ උපාධිධාරීන් දැන් ශ්‍රී ලංකාවේ රාජ්‍ය හා පෞද්ගලික අංශ දෙකෙහිම කීර්තිමත් තනතුරු දරති.
ලබන වසරේ දී වැඩසටහන පුළුල් කිරීමට නියමිත අතර, ශිෂ්‍යත්ව 100ක් සැලසුම් කර ඇත.
තෝරාගත් අපේක්ෂකයින් සඳහා විශේෂ දිශානතියක් පවත්වන ලද අතර, එහිදී සිසුන්ට සහ ඔවුන්ගේ දෙමාපියන්ට හමුවීමට සහ අන්තර් ක්‍රියා කිරීමට ද අවස්ථාව ද ඊයේ දිනයේ සංවිධානය කර තිබිණ.
''ජීවිතයකට පළමු පියවර සනිටුහන් කරන දිනයක්''
පූර්ණ ශිෂ්‍යත්ව මත රුසියාවේ අධ්‍යාපනය ලැබීමට පිටත්ව යන සිසුන් සඳහා කොළඹ රුසියානු මන්දිරයේ දී ඊයේ පැවති උත්සවයේ දී අදහස් දැක්වූ ශ්‍රී ලංකාවේ රුසියානු සමූහාණ්ඩුවේ තානාපති කාර්යාලයේ උපදේශක සහ කොළඹ රුසියානු මන්දිරයේ අධ්‍යක්ෂ - මාරියා පොපෝවා, රුසියාවේ අධ්‍යාපනය ලැබීමට තෝරා ගැනීමෙන් අනාගතයට සැබෑ ටිකට් පතක් ලැබී ඇති බව අවධාරණය කළා ය.
උසස් අධ්‍යාපනයේ ගුණාත්මකභාවය පිළිබඳ මුද්‍රාවක් ලෙස රුසියාවේ කීර්තිය ඉස්මතු කළ ඇය මෙය කෙතරම් විශිෂ්ට අවස්ථාවක් ද යන්න අවධාරණය කළාය.
ඊයේ (11) දිනය සිසුන් නව දැනුම, සොයාගැනීම්, හැඟීම් සහ මිත්‍රත්වයෙන් පිරුණු සිදුවීම් සහිත වැඩිහිටි ජීවිතයකට පළමු පියවර සනිටුහන් කරන දිනයක් යැයි ද ඇය පැවසුවාය.
කොළඹ රුසියානු මන්දිරයේ ප්‍රධාන විධායක නිලධාරී බුද්ධප්‍රිය රාමනායක, අධ්‍යාපනය සැමවිටම ඔවුන්ගේ ප්‍රමුඛතාවය විය යුතු බව සිසුන්ට මතක් කර දුන් අතර ජ්‍යෙෂ්ඨ අධ්‍යාපන කළමනාකාරිනී එලිනා බබේවා සියලු ශිෂ්‍යත්ව ලාභීන්ට සුබ පැතුවා ය.
අධ්‍යාපන නිලධාරී බුත්මි පෙරේරා සිසුන්ට මග පෙන්වීම සඳහා ලැයිස්තුවක් සමඟ වීසා ක්‍රියා පටිපාටි පිළිබඳ සවිස්තරාත්මක විස්තරයක් ඉදිරිපත් කළා ය.
සියලු දෙනාට ම ඔවුන්ගේ සැකයන් පැහැදිලි කර ගැනීමට අවස්ථාව ලබා දෙමින් ප්‍රශ්නෝත්තර සැසියකින් උත්සවය අවසන් විය.
සැප්තැම්බර් බඳවා ගැනීම සඳහා සෑම වසරකම අවසානයේ රුසියානු රාජ්‍ය ශිෂ්‍යත්ව සඳහා අයදුම්පත් විවෘත වේ.
