යුරෝ 730,000ක අතිරේක ප්‍රදානයක් අනුමත කර ඇත.
මෙම අරමුදල් මඟින් ව්‍යාපෘතියේ අතිරේක මූල්‍ය අවශ්‍යතා සපුරාලනු ඇති අතර, දෙරට අතර දිගු කාලීන සංවර්ධන සහයෝගීතාව තවදුරටත් ශක්තිමත් කරනු ඇත.
මෙම සහයෝගය අගයමින්, මුදල්, ක්‍රම සම්පාදන සහ ආර්ථික සංවර්ධන අමාත්‍යාංශයේ ලේකම් ආචාර්ය හර්ෂණ සූරියප්පෙරුම, ඊයේ (10) මුදල්, ක්‍රම සම්පාදන සහ ආර්ථික සංවර්ධන අමාත්‍යාංශයේදී නෙදර්ලන්තයේ වැඩබලන තානාපති Iwan Rutjens සමඟ පැවති හමුවකදී නෙදර්ලන්ත රජයට සිය අවංක කෘතඥතාව පළ කළේය.
මෙම ව්‍යාපෘතිය මඟින් ග්‍රාමීය ප්‍රජාවන්ගේ ගමනාගමනය, නාගරික ග්‍රාමීය සම්බන්ධතාවය සහ ජිවන තත්ත්වය වැඩි දියුණු කරමින් ශ්‍රී ලංකාව පුරා ග්‍රාමීය පාලම 162 ක් ඉදිකිරීම අරමුණු කරයි.
2025 සැප්තැම්බර් වන විට, ව්‍යාපෘතිය 96%ක භෞතික ප්‍රගතියක් අත්කර ගෙන ඇති අතර, පාලම් 151ක වැඩකටයුතු දැනටමත් නිම කර ඇත.
ව්‍යාපෘතියේ අවසානය සනිටුහන් කරමින්, සැලසුම් කර ඇති සියලුම පාලම් වල ඉදිකිරීම් 2026 පෙබරවාරි වන විට නිම කිරීමට අපේක්ෂා කෙරේ.
ව්‍යාපෘතිය ආරම්භ කිරීමේදී ව්‍යාපෘති පිරිවැයෙන් 75%ක් ආවරණය වන පරිදි ශ්‍රී ලංකා රජය නෙදර්ලන්තයේ Cooperatieve Rabobank U.A සමඟ යුරෝ මිලියන 41.8කණය ගිවිසුමකට එළඹුණි. නෙදර්ලන්ත විදේශ ආයෝජන බැංකුව ''Investment International Bank" මුල්‍ය ප්‍රදානයක් හරහා ඉතිරි 25%, එනම් යුරෝ මිලියන 13.9ක අරමුදලක් සපයන ලදී.
ශ්‍රී ලංකාව මුහුණ දෙන ආර්ථික අභියෝග හඳුනා ගනිමින්, නෙදර්ලන්තය 2024 දී එහි ප්‍රදාන දායකත්වය මුළු ව්‍යාපෘති පිරිවැයෙන් ආසන්න වශයෙන් 35% දක්වා වැඩි කළ අතර එය යුරෝ මිලියන 5.3ක පමණ වැඩිවීමකි. මෙම ගැලපීම මඟින් නොගෙවූ ණය ශේෂයෙන් කොටසක් අවලංගු කිරීමට හැකි වු අතර රටේ ණය බර තවදුරටත් ලිහිල් විය.
නවතම යුරෝ 730,000ක ප්‍රදානයත් සමඟ, ව්‍යාපෘතිය සඳහා සමස්ත ප්‍රදානය යුරෝ 18,912,335.72 ක් වන අතර එය මුළු ව්‍යාපෘති පිරිවැයෙන් 37%ක් පමණ වේ.
ශ්‍රී ලංකාවේ සංවර්ධන ප්‍රමුඛතා සඳහා සහාය දැක්වීමට නෙදර්ලන්තයේ අඛණ්ඩ කැපවීම වැඩබලන තානාපතිවරයා යළිත් තහවුරු කළ අතර, අනාගත සංවර්ධන ව්‍යාපෘති සඳහා සහනදායී මුල්‍යයනය අඛණ්ඩව ලබාදීමට එතුමා මෙම හමුව අතරතුරදී කැමැත්ත ප්‍රකාශ කළේය.
(සටහන | ජේ.මුණසිංහ)
