ඔහු මේ අදහස් පළ කළේ LAWASIA සන්නිවේදන, තාක්ෂණ සහ දත්ත ආරක්ෂණ කමිටුව විසින් සංවිධානය කරන ලද ජපනයේ පැවැති සමුළුවේදීය.
ජපානයේ සංසන්දනාත්මක නීති ආයතනය සහ ජපාන නීතිඥ සංගම් සම්මේලනය (JFBA) මෙන්ම චුඕ විශ්ව විද්‍යාලය,විසින් අනුග්‍රහය දක්වන LAWASIA දත්ත ආරක්ෂණ වැඩමුළුවට රටවල් 38ක නීති, අධ්‍යාපන සහ පර්යේෂණ ක්ෂේත්‍ර වල විද්වත්හු සහභාගීවී සිටියහ.
එම සමුළුව ඇමතූ ආචාර්ය අබේරත්න, ශ්‍රී ලංකාවේ දත්ත ආරක්ෂා කිරීමේ පනත ක්‍රියාත්මක කිරීම සහ දත්ත ආරක්ෂා කිරීමේ අභියෝගය පැහැදිලි කරමින් කියා සිටියේ තව දුරටත් ප්‍රමාද නොවී කඩිනමින් ඒ කෙරෙහි දැඩි අවධානයක් යොමු කිරීම අත්‍යවශ්‍ය බවය.
මේ වන විටත් ජපානය, දකුණු කොරියාව, චීනය ආදී රටවල් කෘත්‍රිම බුද්ධිය මගින් ලබා ගන්නා තොරතුරුවල රහස්‍ය භාවය ආරක්ෂා කිරිම සඳහා ගත යුතු නීතිමය ක්‍රියාමාර්ග සම්පාදනය කොට ක්‍රියාත්මක කොට තිබෙනවා. අප ඒ මට්ටමට ළගාවීමට කඩිනමින් කටයුතු කළ යුතු යැයි ආචාර්ය අබේරත්න අවධාරණය කළේය.
මෙම වැඩමුළුව සඳහා ලොව පුරා සිටින චින්තන නායකයන්, කර්මාන්ත විශේෂඥයන් සහ උද්‍යෝගිමත් උපදේශකයන් කැඳවනු ලබන අතර ඔවුන් වැඩි වැඩියෙන් ඩිජිටල්කරණය වන ලෝකයක පුද්ගලික තොරතුරු ආරක්ෂා කිරීම සඳහා පොදු කැපවීමක් ඇති පිරිසක් වූහ.
''සැමට තම තොරතුරුවල රහස්‍ය භාවය ආරක්ෂිතව තබා ගත යුතුයි. එය ඩිජිටල් පරිසරයක පවා පෝෂණය කිරීම ඉතා වැදගත්. මේ වැඩමුළුව හරහා අපගේ මේ සාමූහික උත්සාහය එවැනි තැනකට මෙය ගෙන ඒමයි. එම නිසා තමයි මේ වැඩමුළුව අතරතුර ඔබගේ ක්‍රියාකාරී සහභාගීත්වය අත්‍යවශ්‍ය වන්නේ.
ඔබගේ දැනුම බෙදා හදා ගන්නා අතර අදහස් සහ යෝජනා කථිකා කිරීම වැදගත්. ඒ තුළින් නව හවුල්කාරිත්වයන් ගොඩනගන්න පුළුවන්. එමෙන්ම මේ තුළින් අප සියලු දෙනාටම එකට සහයෝගයෙන් වැඩ කළ හැකි පරිසරයක් පෝෂණය කිරීමටත් පුළුවන් කම තිබෙනවා'' ආචාර්ය සුනිල් ඩී.බී. අබේරත්න වැඩිදුරටත් පැවසීය.
නීතිඥ රමණි මුත්තෙට්ටුවේගම, නීතිඥ වී.කුරේ යන පිරිස ශ්‍රී ලංකාව වෙනුවෙන් සමුළුව ඇමතූහ.
(සටහන | ජේ.මුණසිංහ)
