පළ කොට ඇති වාර්තා එම පක්ෂය තරයේ ප්‍රතික්ෂේප කරයි.
එජාප පක්ෂ මූලස්ථානය වන “සිරිකොත” ප්‍රතිසංස්කරණ කටයුතු සදහා රාජ්‍ය ඉන්ජිනේරු සංස්ථාවේ සේවකයන් යොදාගෙන ඇති බවට ලැබී ඇති පැමිණිල්ලකට අදාල විමර්ශන කටයුතු සදහා මෙසේ විපක්ෂනායකවරයා කැදවා ඇති බවට ඇතැම් ප්‍රවෘත්ති වාර්තා වල පළවී තිබේ.
ඊට ප්‍රතිචාර දක්වමින් සජබ මන්ත්‍රී හර්ෂණ රාජකරුණා මාධ්‍ය හමුවක් කැඳවමින් කියා සිටියේ, අල්ලස් කොමිසමෙන් විපක්ෂනායක සජිත් ප්‍රේමදාස ට කිසිදු කැදවීමක් මේ වනතෙක් සිදු කොට නොමැති බවයි. මේ පුවත් මාධ්‍ය මගින් සිදුකරන අසත්‍ය ප්‍රචාරයන් බවත් ඔහු අවධාරණය කළේය.
මෙය ඉතා කනගාටුවට කරුණක් බවත්, මෙය විහිළුවක් බවට පත්ව ඇති බවත් මන්ත්‍රීවරයා වැඩි දුරටත් කියා සිටියේය.
මේ අතර අද වේරහැර ශ්‍රී සිද්ධාර්ථාරාම පුරාණ රජමහා විහාරයේ අභිනවයෙන් ඉදි කරන ලද ධාතු මන්දිරය, පරිගණක මධ්‍යස්ථානය සහිත තෙමහල් දහම් පාසල් ගොඩනැගිල්ලට මුල්ගල් තැබීමේ අවස්ථාවට එක්වෙමින් විපක්ෂ නායක සජිත් ප්‍රේමදාස පැවසුයේ, ඇතැම් මාධ්‍ය මේ දිනවල ප්‍රවෘත්ති මවමින් ජනතාව රැවැට්ටවීමේ වැඩපිළිවෙළක නිරතව සිටින බවයි.
මුදලට ස්ථාපිත කරන ව්‍යාජ පුවත්වලට ඉඩක් නොදිය යුතු බවත් බොරුවෙන් රැවටිල්ලෙන් චරිත ඝාතනයෙන් මිදි සැබැ අභියෝගය අවබෝධ කර ගත යුතු බවත් මුසාවෙන් මුලාවෙන් රටේ ජනතාව රැවටීම නොකළ යුතු බවත් ඔහු කියා සිටියේය.
අද රටේ ඇත්තේ බොරුව රැවටීම මංමුලාව බවත් පැය 24ම බොරුවෙන් ජනතාව රවටා අන්දවා ඇති බවත් ප්‍රවෘත්ති මවමින් නැති දේවල් ඇති කරමින් ඇති දේවල් නැති කරමින් යන බවත් මේ ඇන්දවිල්ල තුළ රැවටෙන්නේ ලක්ෂ 220ක් ජනතාව බවත් මුදල් ගෙවා කුලියට විවිධ අසත්‍ය ප්‍රචාර කරමින් බොරුව රජකරවන බවත් විපක්ෂ නායකවරයා එහිදී තව දුරටත් පැවසීය.
