ලබා දීමට එකඟ වී තිබේ.
ඔක්තෝබර් මස මැද භාගයේ සිට මෙම පහසුකම මෙරට සිසුන්ට ලබා ගත හැකි බව ඩිජිටල් ආර්ථික නියෝජ්‍ය අමාත්‍ය එරංග වීරරත්න පැවසීය.
මෙම පියවර, ඩිජිටල් ආර්ථික අමාත්‍යාංශය සහ Google සමාගම අතර මාස ගණනාවක් ගත් උත්සාහයේ අවසානය බවත් නවීන ඩිජිටල් මෙවලම් සහ අධ්‍යාපන සම්පත් ලබා දීමේ අරමුණින් මෙය ආරම්භ කෙරෙන බවත් අමාත්‍යවරයා වැඩිදුරටත් සඳහන් කළේ ය.
ඔහු මේ බව පැවැසුවේ, ‘AI National Expo’ ප්‍රදර්ශනය ආරම්භ කරමින් ය.
AI National Expo ප්‍රදර්ශනය සැප් 29-30
AI National Expo ප්‍රදර්ශනය අද පෙරවරුවේ කොළඹදී ආරම්භ විය.
ශ්‍රී ලංකාවේ තාක්ෂණ ක්ෂේත්‍රයේ නව යුගයක් සනිටුහන් කරන, මෙම -ජාතික කෘත්‍රිම බුද්ධි ප්‍රදර්ශනය සහ සම්මන්ත්‍රණය- සංවිධානය කරන්නේ, ඩිජිටල් ආර්ථික අමාත්‍යාංශය සහ එස්.එල්.ටී මොබිටෙල් ආයතනයයි.
එය අදත් හෙටත් පැවැත්වෙන්නේ තලවතුගොඩදී ය.
මෙරට ආර්ථිකය තුළ කෘත්‍රිම බුද්ධිය භාවිතා කිරීම ප්‍රශස්ත කිරීම හරහා ශ්‍රී ලංකාව කලාපීය මධ්‍යස්ථානයක් ලෙස වර්ධනය කිරීමේ අරමුණින් මෙම වැඩසටහන ක්‍රියාත්මකයි.
කෘත්‍රිම බුද්ධිය සම්බන්ධ දේශිය හා ගෝලීය නායකයින්, නවෝත්පාදකයින් සහ ප්‍රතිපත්ති සම්පාදකයින් මේ සඳහා එක්ව සිටියේ ය.
