මහජන ආරක්ෂාව අනතුරේ හෙළන, ලෝක බලවතුන් ඉදිරියේ රට පාවාදෙන, බදු බරෙන් හා බඩු මිලෙන් ජනතාව පෙළන, වරාය, තෙල් ටැංකි, ඉඩම් ඇතුළු ජනතාව සතු සම්පත් විදේශයන්ට බිලිදෙන ආණ්ඩුව වහාම ඉල්ලා අස්විය යුතු බව ජනතා විමුක්ති පෙරමුණ අවධාරණය කරයි.
විරෝධතාකරුවන් කොටුව දුම්රිය පොළ ඉදිරිපිටට පැමිණියේ මරදාන ටෙක්නිකල් හන්දියෙන් ආරම්භ කළ විරෝධතා පාගමණකිනි.
ඒ සඳහා ජවිපෙ නායකයන්, පක්ෂ සාමාජිකයන්, සිවිල් සංවිධාන නියෝජිතයන්, කලාකරුවන්, ගොවි, කම්කරු, ශිෂ්‍ය, කාන්තා හා තරුණ බලවේග රැසක් සහභාගී වී සිටියහ.
ආණ්ඩුව විසුරුවා මහ මැතිවරණයක් කැඳවන්නැයි බලකරමින් 'පොහොට්ටු' පක්ෂයද රටපුරා විරෝධතා මාලාවක් සංවිධානය කිරීමට යයි. බැසිල් රාජපක්ෂ මෙහෙයවීම යටතේ එම වැඩසටහන ක්‍රියාත්මක වීමට නියමිතය.
(ඡායාරුප-රවී වික්‍රමාරච්චි)
