අයිස් කියන්නෙ අහිතකර මත්ද්‍රව්‍යයක් සහ ඒ නිසා විශාල තරුණ පිරිසකගේ ජිවිත හානි සිදුවන බව අමුතුවෙන් කියන්න දෙයක් නෑ. නමුත් මේ අලුත් නීතියෙන් බලාපොරොත්තු වෙන යහපත මොකක්ද කියල කල්පනා කරලා බලන්න වෙනවා.
මත්ද්‍රව්‍යයකට යම් කෙනෙක් ඇබ්බැහි වීම පුද්ගල වරදක් නෙමෙයි. ඒක සමාජ වරදක්. අයිස් ඇබ්බැහිය නිසා මේ තරුණ පිරිස් හානි කරගන්නේ තමන්ටම මිස අන් කිසිවෙකුට නොවේ. නමුත් මේ නීතියෙන් යෝජනා වෙන්නෙ ඒ තරුණ පිරිසම තවත් පීඩාවට හසුකිරීමට වැඩි දෙයක් නොවේ.
අන්තිමට වෙන්නෙ රටේ තවත් බොහෝ තරුණයන් මරණ දඩුවම ලැබ සිරකුටි වල ගාල්වීමයි. ඒ අයගෙ අනාගතයම නැවත ගොඩගත නොහැකි සේ අඳුරු වීමයි.
මත්ද්‍රව්‍ය ඇබ්බැහිය කියන්නෙම සමාජයෙන් පිටස්තරභාවයට alienation හෙලීමේ අවාසනාවන්ත ඉරණමක්. ඒක දඩුවම් ලැබිය යුතු වරදක් නෙමෙයි, උදව් ලබා දිය යුතු තත්වයක්. දුප්පත් පසුගාමී සමාජයක් වන අපි මෙතනදි කරන්නෙ ඒ මත්ද්‍රව්‍යවලට ඇබ්බැහි වුනු තරුණයන්ගේ ජීවිත සපුරා ව්නාශ කිරීමට තීන්දු කිරීමයි.
සංවේදී ප්‍රගතිශීලී රජයක් මෙවන් අමානුෂික නීති පැන්වීමට කිසිසේත් ඉඩක් නැත. දඩුවමෙන් පාලනය වෙනුවට අප උත්සාහ කළ යුත්තේ මේ තරුණයන් මුහුණ දෙන සැබෑ අවුල ආමන්ත්‍රණය කිරීමටයි.
(චින්තන ධර්මදාස)
දේශපාලන හා සමාජ විශ්ලේෂක
අධ්‍යක්ෂ - facultyofsex
#truepatriotlk
#godayamu
vyadhadeva@gmail.com
The LEADER Whatsapp Group එකට එකතුවෙන්න
