ඒකට එක හේතුවක් තමයි සමාජ මාධ්‍ය වල ඉන්න සෑහෙන දේශපාලන සවිඥාණිකත්වයක් සහිත පිරිසක් මේ ප්‍රධාන ධාරාවේ පක්ෂ දෙකේ දේශපාලනය වෙනුවට වෙනත් දේශපාලනයක් සොයමින් සිටීම සහ ඒ නිසාම ඒ පිරිස් විසින් ඒ සඳහා බලපෑම් සහගත මතයක් සමාජගත කිරීම.
ඒ වගේම අරගලය වෙලාවෙත්, වෙනත් අණ පණත් එන හැම වෙලාවක්මත්, පොලිස් මර්ධනය වගේ ඉතාම පැහැදිළි සාක්කි සහිත වෙලාවලත්, ගෝලීය වශයෙන් වැදගත් දේශපාලන නැඹුරුවක් පවතින වෙලාවලත් මේ ''ෆේස්බුක් සමාජ කණ්ඩායම'' වඩාත් සවිඥානික විදියට වැඩකිරීම. වෙනත් විදියකට කිව්වොත් ආණ්ඩුවේ මතයට වෙනස් මතයක ඉඳගෙන වැඩකිරීම.
එහෙම සමාජ මාධ්‍ය කියල එකක් නැති උනානම් ඉතින් වන් වේ ට්‍රැෆික් තමයි. ඒ කියන්නේ ආණ්ඩුවේ මාධ්‍ය ටිකයි, ආණ්ඩුවට හසුරුවන්න පුළුවන් මාධ්‍ය අයිතිකාරයන් අරින නයි ටිකයි විතරයි මේ ලාංකික පොළවේ ඉතුරුවෙන්නේ. ඇත්ත වශයෙන් මහා කරදරයක් වෙලා තියන මේ සමාජ මාධ්‍ය නැති උනානම් උන් දන්නවා නයි ටික නටවල ගන්න.
හැබැයි ජාතික ජන බලවේගය සහ ජවිපෙ ඉතාම වැදගත් දෙයක් දැන් සෑහෙන කාලයක් තිස්සේ කරමින් ඉන්නවා. ඒ තමයි ජාතික ජන බලවේගයේ අය සමාජ මාධ්‍ය පරිපථයට හසු නොවෙන්න පුළුවන් සමාජ කණ්ඩායම්, විශේෂයෙන් ග්‍රාමීය කොටස්, වෙතත් ගමන්කරමින් සිටීම. ඒ නිසා සමාජ මාධ්‍ය නැති සන්දර්භයක උනත් ඔවුන්ට තමන්ගේ පණිවිඩය ගෙනියන්න පුළුවන් යම් වැඩ පිළිවෙලක් තියනවා.
ඒ වගේම නගරයේ විතරක් නෙවෙයි ගම් දනව් වලත් විශාල වෙනස්කම් සිදුවෙමින් පවතිනවා.
ඒ අනුව අනුර කුමාර සහෝදරයා ෆේස්බුක් එකේ ජනාධිපති විතරක් නෙවෙයි කියල චන්දයක් තිබ්බොත් තේරෙයි....
ඕනෑම දෙයක එක තැනක් එනවා ඒ තැනින් පස්සේ දේවල් ආපසු හරවන්න අමාරුයි. අනුර දැන් ඉන්නේ ඒ වගේ තැනක කියල මට හිතෙනවා.
අවිඥාණික හිතේ සැනසීම වෙනුවෙන් තමයි අනුර ෆේස්බුක් එකේ ජනාධිපති විතරයි කියල කියන්නේ. නැත්නම් එයාලත් ඇත්ත දන්නවා. මොකද අපි කවුරුත් බබ්බු නොවෙන හින්ද.
ඒ නිසා චන්දෙ තියල බලන්න...
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
