ඒක එහෙම වෙන්න පුළුවන්. මොකද හැම බඩකරිත්තුවම ඉන්දියාවෙන් එනකල් ඉන්න නිසා සහ ඉන්දියාව අපි ඉස්සරහ ඉන්න චණ්ඩියා නිසා. සහ රාවනාගේ හෝ විජයගේ ඉඳල ඉතිහාසයක් අපිට මේ යකා එක්ක තියන නිසා.
අවුරුදු හැත්තෑපහක් තිස්සේ අපි මේ තත්වයට පරාධීන කරපු හැත්ත එක්ක මීට වඩා දෙයක් හිතන්න බැහැ තමයි. ඒත්....
ඒත්....හරින්ට අමතක ඉතිහාසයක් ඇතුලේ ලාංකික දේශප්‍රේමී ව්‍යාපාරයක් ඉන්දියාවෙන් ගේම ඉල්ලුවා.
IPKF එකට විරුද්ධව සටන් කලා. අවම වශයෙන් කොටි සංවිධානය පවා සටනක් දියත්කළා. හා හරි අපි උඹලගේ ප්‍රාන්තේ වෙන්නම් කියල නිකම් හිටියේ නැහැ. ගේමක් ඉල්ලුවා. එහෙම ලංකාවක් තිබ්බ.
අවම වශයෙන් දැන් ඔය හරින් කඩේ යන රනිල්ගේ සීයද මාමද කියල කියන ජේ. ආර්. පවා එකහෙලාම ඉන්දියන් ලයින් එකේ නෙවෙයි හිටියේ. ඇමෙරිකන් ලයින් එකේ. ඒ කාලේ අපි ඇහුවේ හින්දි සිංදු නෙවෙයි. ඉංග්‍රීසි සින්දු. මාකට් එකේ තිබ්බේ ඉංග්‍රීසි කැසට්. ඇබා, බොනි එම්, ජැක්සන්, මැඩෝනා වගේ.
රනිල්ගේ කැම්පේන් මැනේජර් කියන හරින්ට වඩා මෙලෝ රහක් නැති සලාද කැසට් කරපු හලාවත නීල් වර්ණකුලසූරිය රැඩිකල්. සන්ෆ්ලවර් හැටියට මොකක්ද පොර කළේ? (එයා කියන විදියට) හින්දි රැල්ල ලංකාව වහගෙන හිටපු වෙලාවක පොඩි බේස් ලයින් එකක්, ඩ්‍රම් ලයින් එකක් දාල අර රැල්ලට අභියෝගයක් කරපු එක. මම හිතන්නේ අද දක්වා නීල්ගේ රැල්ල බෑන්ඩ්වල පවතිනවා.
නීල් අයිය එක තැනක කියනවා බෑන්ඩ් එක ඔය සලාද සිංදු කිව්වට මම අහන්නේ වෙනත් ජාතියේ සිංදු කියල. ඒ කියන්නේ සලාදයට ඔබ්බෙන් නීල් කියල කෙනෙක් පැවතිලා තියනවා.
නිකම්ම ගිහිල්ල උන්ගේ කකුල් පාමුළ ''අපිත් ඉන්දියාවේ ප්‍රාන්තයක්'' කියනවට වඩා පොඩි හරි ගේමක් ඉල්ලමු. අපේ කියල යම් හෝ අනන්‍යතාවක් පෙන්නමු.
ලොකු ලයින් නැති නිසා ලේලන්ඩ්වල යන එක ඇත්ත තමයි. ඒත් මම හින්දි සින්දු අහන්නේ නැහැ. කලාතුරකින් තෝරා ගත්ත එකක් හැරුනම හින්දි ෆිල්ම් බලන්නෙත් නැහැ.
හරින්ගේ ප්‍රාන්ත කතාව ඇහුනෙත් බිල් විදර්ගේ Ain't No Sunshine අහ අහ ඉන්නකොට.
සියල්ල විනාශ කරපු රටක මේ තරම් පහළට වැටෙන එක ඇත්ත. ඒත් එච්චරටම වැටෙන්නේ නැහැ මම හිතාගෙන ඉන්නවා. ඉස්සරහට මොනවා වෙයිද දන්නේ නැහැ
බිල් වීදර් අහමින් ඉන්දියාවේ ප්‍රාන්තයක ඉන්න මම...
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
සබැඳි පුවත් :
ලංකාව ඉන්දියාවේ කොටසක් ද? :'හරින් ඇමතිකමෙන් නෙරපිය යුතුයි'
