රාවණා දඬු මොණරෙන් සීතාව උස්සගෙන එනවා. ඇවිල්ලා (ලංකාවේ ඉන්න රාවණා පරපුරේ උන් පණ පිහිටලා කියන විදිහට) බඩගාගෙන යා යුතු අධිතාක්ෂණික ගල් ගුහාවක් අස්සේ වඩා ගෙන නලවනවා. ඒ වගේ දෙයක් තමයි සීතා අරඹේපොළටත් වුණේ.
සීතාවෝ ඒ කාලේ පෙනී හිටියේ මේ දීපංකරේ බිහි වුණු අසහාය ජාතිකවාදී කත විදිහට. එළිය සංවිධානයේ වේදිකාවේ වීදුරු පුපුරුවන නාසික ස්වරයෙන් ගැයූ මහා සිංහල වීර කාව්‍ය අද රනිලාවණගේ බාච්චු තුරුලේ සැඟව ගිහින්…
කිසිදු පරිපාලන අත්දැකීමක් නැති සීතාවෝ ආණ්ඩුකාරවරියක් කළේ ගෝඨාභය. ඊට පස්සේ ඒ දේවීන්නාන්සේව ජාතික ලැයිස්තුවෙන් පාර්ලිමේන්තුවට ගෙනාවෙත් ගෝඨාභය. ඊටත් පස්සෙ රාජ්‍ය අමාත්‍යවරියක් කළේත් ගෝඨාභය. නමුත් රනිල් ළඟට යන්න කලින් අඩුම ගානේ ගෝඨාභයට කතා කරලා කියන්නවත් ගුණයක් සීතාට තිබුණේ නැහැ. ඉත්තී පුරුස භේදයකින් තොරව ඊනියා ජාතිකවාදීන් තරම් ගුණමකුවන් මේ ලෙව්හි නැහැ.
රාමා සමග හිටිය සීතාට වගේ අරඹේපොළ ගැනත් අපට කිසියම් ගෞරවයක් තිබුණා නාලක ගොඩහේවා හෝ විමල් වීරවංශ හෝ වැනි ඊනියා ජාතිකවාදීන් මෙන් අරගලකරුවන්ට බයේ වස්ත්‍රයේ මුත්‍රා පහව “තමන් පොහොට්ටුවේ නොවෙයි” කියා හඬමින් පැනලා නොගියාට. නමුත් ඒ ගෞරවය හේදිලා ගියා සීතා කැමැත්තෙන්ම රනිලාවණගේ ඔඩොක්කුවට පැන්නම.
මේ පින්තූරයේ සීතාවෝ වැඳගෙන ඉන්නේ රනිලාවණගේ අහවල් එකටද කියන්න මා දන්නේ නැහැ. නමුත් ඉස්සිලා බෙල්ල දික්කරලා බලන හැටියට අනෙක් පැත්තෙන් ඉන්න සාගලගේ වුණත් “සක් වල ගල ප්‍රකම්පිත වී” යන්නට ඇති. විලියම් ෂේක්ස්පියර්ගේ නාට්‍යයක මෙහෙම පාඨයක් තිබෙනවා “Frailty, thy name is woman”. “චාපල්‍ය, ගැහැණිය ඒ තිගේ නමයි.” ධර්මය ඔබට මග වේවා!
(එරන්ද ගිනිගේ)
BSc. (Genetics), Ind., (MPM, Sp. Business Management), Aus.
සමාජ ව්‍යවසායක සහ කර්තෘ
හිටපු ජනාධිපති ගෝඨාභය රාජපක්ෂගේ උපදේශක
eranda.ginige@gmail.com
2024 අගෝස්තු 24