මේක තරමක් ජාතික ජන බලවේගයේ මන්ත්‍රී වරප්‍රසාද අහෝසි කිරීමේ දේශපාලන පොරොන්දුව එක්ක යනවා. ඒ නිසා ජාතික ජන බලවේගයට උනත් මේකට බැහැ කියන්න බැහැ. කාලය අතින් හේෂා ඉස්සර වෙලා තියනවා ජාතික ජන බලවේගයට වඩා.
හැබැයි දැන් අවුරුදු දහයක් විතර පාර්ලිමේන්තුවේ ඉන්න හේෂා මෙහෙම යෝජනාවක් කවදාවත් ගෙනල්ල නැහැ. මේක පොඩි කාලය හයිජැක් කිරීමක්.
මිනිස්සු චන්දෙ දුන්නේ උනත් මේ වරප්‍රසාද ඕනි නැහැ වගේ හැඟීමකින් තමයි. ඒත් හේෂා මෙච්චර හදිස්සි වෙන්නේ ඇයි?
එකක් ඒක පුද්ගලික යෝජනාවක්. පුද්ගලිකව මිනිස්සුන්ට ඕනි දෙයක් කරන්න පුළුවන්.
හැබැයි ජේවීපී එක මේ වරප්‍රසාද ප්‍රශ්නේ අරන් ආවේ දේශපාලන ව්‍යාපාරයක් හැටියට. ඒ නිසාම ඒ දේශපාලන ව්‍යාපාරය ජයග්‍රහණය කළා. දැන් එයාල ඒ දේශපාලන ව්‍යාපාරය කියපු දේ ප්‍රයෝගිකව කරන්න උත්සාහ කරද්දී යම් කාලය ගැනීමක් කරනවා. ඇත්තටම දේශපාලන ව්‍යපාරයකට ඒ කාලය අවශ්‍යයි.
මොකද කොළඹ නොවන මන්ත්‍රීවරු ගොඩක් පාර්ලිමේන්තු ඇවිත් ඉන්නවා. වෘත්තීය පසුබිමක් තියන අය මේ වනවිටත් යම් කැපකිරීමක් කරලා ඉන්නේ. ඒ නිසා යම් පහසුකම් ප්‍රමාණයක් ඒ අයට දෙන්න අවශ්‍යයි. එතකොට දේශපාලන ව්‍යාපාරයක් හැටියට දුන්න පොරොන්දු ප්‍රයෝගිකකරණයේදී යම් යම් පරස්පරතා ඇතිවෙනවා. ඒක තමයි දැන් ජාතික ජන බලවේගය මුහුණ දෙමින් ඉන්න ප්‍රශ්නය. ඒක මෙතැන නෙවෙයි ගොඩක් තැන්වල පේන්න තියනවා.
සමාජවාදය ඇත්තටම නොමැති තැනක සමාජවාදී අභිලාෂ එක්ක වැඩකරන්න ඔවුන්ට වෙලා තියනවා. ඒ එක්කම පුද්ගල අභිලාෂ තියනවා. එතන පරස්පරයක් මතුවෙමින් තියනවා. ඒක විසඳා ගැනීම ඒ දේශපාලන ව්‍යාපාරයට විතරක් නෙවෙයි රටටත් වැදගත්.
මොකද ඒක යහපත් පරමාර්ථයක් නිසා.
හේෂා මේ ගේම ගහන්නේ මේ සංකීරණ බව ගැන දැනුවත්ව. මේ සංකීරණ බව ඇතුලේ මාලිමාව හිරකිරීම වෙනුවෙන්.
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
සබැඳි පුවත :
පාර්ලිමේන්තු මන්ත්‍රී වරප්‍රසාද ඉවත් කිරීමට හේෂාගෙන් යෝජනාවක්