අළුයම් කාලයේ නිල ඇඳුම් සහිතව සහ රහිතව පැමිණි පොලිස් නිලධාරීන් ප්‍රතිත්‍රස්ත පනත, PTA යටතේ මොවුන් අත්අඩංගුවට ගෙන ඇත.
විශේෂයෙන්, ප්‍රතිත්‍රස්ත පනත වැනි ගොරෝසු පනත් මතු නොව හදිසි නීතිය පවා දැඩි මර්දනකාරී පනත් ලෙස අර්ථ දැක්වූ ජනතා විමුක්ති පෙරමුණ මුල්කොටගත් වත්මන් රජය, මේ ආකාරයට හැසිරීම පිළිබඳව ප්‍රජාතන්ත්‍රවාදයේ මනා පැවැත්ම ගැන උනන්දුවන ජනතාව අතර ඇත්තේ විමතියකි. කණස්සල්ලකි. එම ජන කණ්ඩායම් අතර බහුතරය, පශ්චාත් මැතිවරණ දෙකේදී ම තම අනාගතයට මගපෙන්වීම "මාලිමාව" හරහා සිදුවන බව තේරුම් ගෙන සිටි පුරවැසියන් වීම ද නොරහසකි.
එබැවින්, එය හැඳින්විය යුත්තේ ඛේදවාචකයක් ලෙසද සොහොන් ලකුණක් ලෙසද යන්න තීරණය කිරීමද ප්‍රශ්නකාරීය.
ප්‍රජාතන්ත්‍රවාදය පිළිබඳ නූතන අර්ථ නිරූපණය වන්නේ, ප්‍රජාතන්ත්‍රවාදයට එරෙහි අයගේ පවා ප්‍රජාතන්ත්‍රීය අයිතීන් ආරක්ෂා කිරීම බව ජාතික ජන බලවේග ආණ්ඩුව නොදන්නවා විය නොහැක.
අසත්‍ය ප්‍රචාර පාලනය කිරීම සඳහා මෙලෙස අත්අඩංගුවට ගත යුතු යැයි විශ්වාස කරන ආණ්ඩුවේ බලධාරීන්ට, අපට කීමට ඇත්තේ,
"විවේචකයාට දිය හැකි හොඳම දඩුවම වගකීම් බාර දීමයි.." වැනි මාර්ගෝපදේශ නම්, පුනරුදය ට ලක්කල නොහැකි බව පමණි.
(ඩලස් අලහප්පෙරුම)
නායක,
නිදහස ජනතා සභාව
Dullas Alahapperuma ගේ ෆේස්බුක් පිටුවෙන්...