ඇන්ටිජන් දිලිත්ව ඊළඟ ජනාධිපති විදියට පත් කරමු ද? | අජිත් පැරකුම් ජයසිංහ

කෙසේ වෙතත්, දිලිත් ජයවීර දැන් වෙනත් ගමනකට ප්‍රවේශ වී සිටියි. ඔහුගේ අරමුණ රටේ ජනාධිපති වීමය. දක්ෂිණාංශය ජාතිකවාදී හා ලිබරල්වාදී නායකත්වයක් සොයමින් සිටින මෙම වකවානුවේ ඔහු ඒ සඳහා ශක්තිමත් තරගකරුවෙකි.

දිලිත් ජයවීරට එරෙහිව තිබෙන චෝදනාව මේ වන විටත් නලින්ද ජයතිස්ස මුල් වී සෝදා දීම ආරම්භ කර තිබේ. එනම්, රු. 3500ට රජයට ඇන්ටිජන් කට්ටල විකිණූ බවට නගන චෝදනාව බොරුවක් බව ඔප්පු කරමින් රජය ඇන්ටිජන් කට්ටල මිලදීගෙන තිබෙන්නේ ඒ කියන ගණනෙන් තුනෙන් එකක පමණ මුදලකට බව නලින්ද ජයතිස්ස පාර්ලිමේන්තුවේදී සභාගත කළේය.

ඔය තුන්දාස් පන්සීයේ කතාවට කිසිදු පදනමක් නැත. ඒ වනාහි අතින් දැමූ ගණනකි. මෙයට මුල් වූ චේතිය බොරුව කීවේද දේශපාලන බෞද්ධ භික්ෂුවකි. ඔහු වනාහි 2022 අරගලයේ නායකයකු වූ ඕමල්පේ සෝභිත භික්ෂුවයි.

රැපිඩ් ඇන්ටිජන් රුපියල් 80ට දෙන්නට පුළුවන්කම තියෙද්දී රු. 2500ට විකුණා ඇන්ටිජන් 10ක් අඩංගු කට්ටලයකින් රු 24,000ක පමණ අධික ලාභයක් උපයා ගත් බවට දිලිත් සම්බන්ධ සමාගම්වලට චෝදනා එල්ල විය. 

දැන් මතු කරන කාරණය වන්නේ, දිලිත් ජයවීරට අයත් බව කියන ජෝජ් ස්ටුවට් සමාගම සමග තරගකාරී බව පෙන්වමින් සැපයුම් සඳහා අවස්ථා ලබාගත් ඔහුටම අයත් බව කියන අනෙක් සමාගම වන දිවැස ෆාමා කලම්බු සමාගම ද ඔහුටම අයත් එකක් බව හා එම සමාගම ඖෂධ නියාමන අධිකාරියේ ලියාපදිංචි සමාගමක් නොවූ බවයි.

මේ චෝදනා නගන අය අල්ලස් හෝ දූෂණ විමර්ශන කොමිෂන් සභාවට පැමිණිලි කළ යුතු අතර ආණ්ඩුව දේශපාලනිකව මැදිහත් වී විමර්ශන ආරම්භ කර නඩු දැමිය යුතුය. වැඩේ තියෙන්නේ, මේ ටෙන්ඩර් අනුමත කරපු අයටත් ගස් යන්නට වෙන එකය. ඒ අය බේරා ගන්නට ආණ්ඩුවට අවශ්‍යද යන්න අපි නොදනිමු. 

ලංකාව වැනි රටවල රජයේ සැපයුම් ටෙන්ඩර දේශපාලකයන්ගේ, නිලධාරීන්ගේ හිතවතුන්ට ලබාදෙන එක පමණක් නොව ආණ්ඩු වෙනස් වූ පසු එවැනි දූෂණ පිළිබඳ විමර්ශන කරන එක ද සාමාන්‍ය තත්වයන්ය. ඒවා පසුපස ද කොමිස් හා වෙනත් ඩීල් තිබේ.

කොහොම වුණත්, ඇන්ටිජන් හොරා යයි කියන දිලිත් ජයවීර ලංකාවේ නායකත්වයට ඇප්ලිකේෂන් දමා සිටින මේ මොහොතේ ඔහු ගැන තීරණයක් ගන්නට අපට සිදුවෙන්නට ඉඩ තිබේ. ලංකාවේ මහජනයා වන අප සුනාමි හෙල්පිං හම්බන්තොට චෝදනා තිබියදී මහින්ද රාජපක්ෂ ද, යුද සමයේ ඝාතන චෝදනා තිබියදී ගෝඨාභය රාජපක්ෂ ද අති බහුතර ඡන්දයෙන් බලයට පත් කළෙමු. එහෙව් එකේ ඇන්ටිජන්වලින් මාටියා ගහන එක ලංකාවේ මහජනයාට නතිං වන්නට පුළුවන.

කෙසේ වෙතත්, මේ ඩ්‍රාමා එක ඉදිරියට ගෙන යාම ආණ්ඩුවට හා ආණ්ඩුවට කුලියට කහින මාධ්‍යකරුවන් යයි කියාගන්නා අයට හා වෙනත් සට්ටැඹියන්ට භාරය.

(සටහන | අජිත් පැරකුම් ජයසිංහ)
දේශපාලන හා සමාජ විශ්ලේෂක
ajithperakum@gmail.com

(මෙම ලිපිය praja.lk හි පලවූවකි)