ශ්‍රී ලංකාව වරින් වර මුහුණ දෙන ස්වභාවික ආපදා තත්ත්වයන් පාලනය කිරීම සහ ඊට සාර්ථකව මුහුණ දීම සඳහා ආයතන ගණනාවක තොරතුරු එක්තැන් කරන "ජාතික ඒකාබද්ධ දේශගුණික අවදානම් පුවරුවක්" (National Integrated Climate Risk Dashboard) නිර්මාණය කිරීම කාලීන අත්‍යවශ්‍යතාවයක් බව නීතිඥ ඉන්දික පෙරේරා පවසයි.
වොයිස් ටියුබ් (Voice Tube) නාලිකාවේ 'Inside Voice' වැඩසටහන සමඟ විශේෂ සාකච්ඡාවකට එක්වෙමින් ඔහු මේ බව සඳහන් කළේය.
මෑතකදී ඇති වූ අයහපත් කාලගුණ තත්ත්වය සහ ඊට බලධාරීන් දැක්වූ ප්‍රතිචාරය විශ්ලේෂණය කරමින් ඔහු පෙන්වා දුන්නේ, කාලගුණ විද්‍යා දෙපාර්තමේන්තුව කෙරෙහි ජනතාව තුළ තිබූ විශ්වාසය මේ වන විට බිඳ වැටී ඇති බවයි. රතු නිවේදන නිකුත් කළද ජනතාව ඒවා නොසලකා හරින්නේ අතීතයේදී සිදු වූ අනාවැකි වැරදි යෑම් සහ එම දෙපාර්තමේන්තුවේ විශ්වසනීයත්වය පිළිබඳ ගැටලු නිසා බව හෙතෙම පෙන්වා දුන්නේය.
මෑතකදී ඇති වූ අයහපත් කාලගුණ තත්ත්වය සහ ඊට බලධාරීන් දැක්වූ ප්‍රතිචාරය විශ්ලේෂණය කරමින් ඔහු පෙන්වා දුන්නේ, කාලගුණ විද්‍යා දෙපාර්තමේන්තුව කෙරෙහි ජනතාව තුළ තිබූ විශ්වාසය මේ වන විට බිඳ වැටී ඇති බවයි. රතු නිවේදන නිකුත් කළද ජනතාව ඒවා නොසලකා හරින්නේ අතීතයේදී සිදු වූ අනාවැකි වැරදි යෑම් සහ එම දෙපාර්තමේන්තුවේ විශ්වසනීයත්වය පිළිබඳ ගැටලු නිසා බව හෙතෙම පෙන්වා දුන්නේය.
වාහනයක ධාවන පුවරුවක් (Dashboard) මගින් වේගය, ඉන්ධන ප්‍රමාණය සහ එන්ජිමේ උෂ්ණත්වය වැනි දත්ත එකවර නිරීක්ෂණය කළ හැකි සේම, රටේ ආපදා කළමනාකරණයට ද එවැනිම මධ්‍යගත පද්ධතියක් අවශ්‍ය බව නීතිඥවරයා අවධාරණය කළේය.
