ඔවුන් මෙහිදී පෙන්වා දෙන්නේ සංවේදී පරිසර කලාපයක් වන මයුරපුර රක්ෂිතය ආසන්නයේ සිදුවන මෙම සිදුවීම මගින් අලි මිනිස් ගැටුම වඩාත් උග්‍ර වන බවයි.
රුපියල් මිලියන 14ක වියදමින් ගොවි සංවිධාන සහ සමාගම් එක්ව අලි වැටක් ඉදිකොට ඇති බවටද තොරතුරු වාර්තාවේ. මෙම ව්‍යාපෘති සඳහා මධ්‍යම පරිසර අධිකාරිය, සුනිත්‍ය බලශක්තිය අධිකාරිය , මහවැලි අධිකාරිය ඇතුළු සියලුම අදාළ රාජ්‍ය ආයතන අවසර ලබා දී ඇති බවද ප්‍රකාශ වේ. ශ්‍රී ලංකාව මේ වන විට පවතින්නේ උග්‍ර බලශක්ති අර්බුදය. එබැවින් මෙවැනි ව්‍යාපෘති ක්‍රියාත්මක වීමද රටක සංවර්ධනයට අත්‍යාවශ්‍යය. මෙම පරිසර සංවිධානවල හැසිරීම දෙස බැලීමේදී ඇතිවන ගැටලු නම්.
1.ලංකාවේ අලි මිනිස් ගැටුම ඇති එකම සංවේදී පරිසර කලාපය මෙයද ? අනෙකුත් ප්‍රදේශවල ඇති ගැටලුවලට ඔවුන් නිහඬ පිළිවෙතක් අනුගමනය කරන්නේ ඇයි. ?
2.ලංකාවේ අලි ගහනය කොපමණද? එම සංඛ්‍යාව ප්‍රමාණය ඉක්මවා ගොස් ඇත්ද ?
3.ලංකාවේ දිස්ත්‍රික්ක දොළහක් තුළ අලි මිනිස් ගැටුම උග්‍ර වී ඇත. මේ හේතුවෙන් වගා භූමි රාශියක් විනාශයට පත් වී ඇති අතර ගොවීන් වගාවෙන් ඈත්වීමටද ඒ හේතුවක් වී ඇත. මේ පිළිබඳ මෙම පරිසර සංවිධාන වල මතය කුමක්ද?
4.රාජ්‍ය නොවන සංවිධාන වලට විදේශ ආධාර අඩුවීමේ ප්‍රවණතාවය මත (USAID වැනි) පුද්ගලයන්ගෙන් මුදල් එකතු කිරීමට අලි-මිනිස් ගැටුම හොඳින් යොදා ගත හැකි උපකරණයක්ද ? (සෑම පරිසර සංවිධායනයකම වෙබ් අඩවි වල ආධාර එකතු කරනු දක්නට ලැබේ)
එසේම මයුරපුර ප්‍රදේශයේ ගොවීන්ගෙන් බහුතරයක් මෙම ව්‍යාපෘතියට කැමති බවද දැනගන්නට ලැබී ඇත. වෙල්ලස්සේ උක් වවන විටද, පෝර්ට් සිටි ව්‍යාපෘතිය සහ මන්නාරම සුළං බල ව්‍යාපෘතියට ද මෙවැනි සංවිධාන විරුද්ධ වී ඇත. විදේශ විනිමය ගැටලුවකට මුහුණපා සිටින අප මෙවැනි සංවිධාන වල ක්‍රියාකාරීත්වය පිළිබඳ වඩා අවධානයෙන් සිටිය යුතුය.
(සටහන | නීතිඥ රසාංග හරිශ්චන්ද්‍ර)
prasadrharischandra@gmail.com
